Mēmà mèí gv̀msùng zá:ngò we

Mako 12:38-44

Yesuí angmaq svng shvngø:tnò nø; “Dvrá svrarì svng nàyáshìnøng. Angmaq nø bèlaq yvnggúng gwashi sórí vwúshi nø, gvt tø̀m yv́ng vsa:ngí vpǿ ra we svng shóngshie. u 39 Vrá, júrøt chø̀m rì nvng bóy rì taq gø té vpǿ nø ring we rúngrà rì taq wa rúng mvyǿe. 40 Angmaqí memàré rvprì svng vmupmá:mò nø, vjú nø yvnggúnggúng røt dvpéshìe. Vsvng yamvdòí nø té vlishi we kàngélv́m lòng vhǿm lú:ngòe,” a:lòe.

Yesu nø gv̀msùng zv́nglv́m shøpdik lap kaq poshì nø rung sórí, vsvng rìí gv̀msùng zá:ngò we svng yà:ngòe. Mvgàmrì mvme gǿí nø gv̀msùng mvmeme zá:ngòe. vw 42 Iwe dvshà we memà tiq mèí nø, kàmø gv̀msùngshicè vní gø̀m wa zá:ngòe. 43 Yesuí Ang coqcv́nrì goò nø a:lò we nø, “Namaq svng Ngàí v̄la:tnìni, gv̀msùng zv́nglv́m shøpdik taq zá:ngò rì angmaq shvngbe mvdv̀mø nø, dvshà we memà yamèí té zv́ng bǿà. 44 Kadø íe wani dvgá rìí nø, angmaqí zǿm vchéò rì taqkèní zá:ngò we wa íe. Yamèí nø ang dvkúmshìlv́m shvngbe, angò v́laò dv́ngte zv́ng bǿà,” a:lòe.