Nøt língshìlv́m shvngøt we

Luka 13:1-9

Nøt língshìlv́m shvngøt we 1 Wenila taq, Galili vsvngrì nø shvt núnglv́m wáshì ke Pilatní angmaq svng sha:tnò nø angmaq shvwi nø angmaqí nú:ngò rì nvng vshúò høq wà bǿà tvrà, Yesu svng dvtáòe. a 2 Wekvt A:ngí vtà:ngò nø angmaq svng, “Galili vsvng werì svng wedø shvt bǿà rvtnø, angmaq nø Galili rì shvngbe mvdv̀mø té mvrà rvnaqe wa dèdvmnøng ma? b 3 Ngàí namaq svng v̄la:tnìni, wedø mø̀í. Namaq gø nøt mèlíngshìnø̀ng kvt kèní nø, wedøni shvngbe nàmv́ng lóngnønge. c 4 Mø̀ínī Silom yv́ng muqtū lóng tvróng vtūng weí shvtke bǿà we tiqcé shvt gǿ nø, Yerusalemø vl rì shvngbe mvdv̀mø mvrà v̄l vsvng íe, dèdv̄mnøng ma? 5 Ngàí namaq svng v̄la:tnìni, wedø mø̀í. Namaq gø nøt mèlíngshìnø̀ng kvt kèní nø, welòng døni shvngbe nàmv́ng lóngnønge,” a:lòe.

Angshí mvshí we nv̀mgwètø̀ng kàshvbóng 6 Wekvtrá A:ngí kàshvbóng yalòng gø shø̀:nòe. “Vsvng tiq gǿí ang bìm kùlwàng taq nv̀mgwè tiq tø̀ng ka:tnòe. Ang nø wetø̀ng kèní angshí røpmvmlv́m dì ráì we tiq chv̀ng gø lá mvlú:nò. d 7 Wervt a:ngí kùlwàng vsóngshú pè svng, ‘Eyà:ngò, ya vshø̀m nǿng høq ngàí nv̀mgwè ya tø̀ng kèní angshí røpmvmlv́m dø̄ngnø̀ng gø angshí mvzí. Pàwálv́m vba svng vshø̀ng màshǿng la dvtø̀:mòni, èrǿ:mò,’ a:lòe. 8 Inìgø wepèí vtà:ngò nø, ‘Vkàngpèá, dènǿng gø shini laq yo; wekvt ngàí gùrhøm dòngò nø ngò* zv́nglv́m íe. e 9 Nvp nǿng lā angshí shí long nìnø shvlae; mvshí lòng nìnø wekvt mv̀ng rǿm dv̀ng íe,’ a:lòe,” wae.