Nøt vní nøt vl rì svng vyáshì rà we

Nøt vní nøt vl rì svng vyáshì rà we

1 We rvtø̀ taq, vsvng loksokrì nø vlv̄mkē høq, angkíng angmùn dvkǿmshì ráì dvgvp, shvngbe mv́rdv̀ngø Yesuí Ang coqcv́nrì svng a:lò we nø, “Farisirì butdvshi í we, nøt vní nøt cà:nò lòng kaq nàyáshìnøng.” a 2 Vwv̄mshaq rì màdvtàn lú:ngò we nø tiq pv̀n gø màvl long; vmáshaq rì mvsháshì long we tiq pv̀n gø màvl long. bc 3 Namaqí dø̄ vdòng mvyø̀n pvngø èshø̀nnøng kàrì kapà ínìgø, lànglànggá yv́ngø Vsàngí tá lú:ngòe. Dø̀nggaq rv́mø nàbø̄nshinøng rì nø chø̀m rvgùng kèní dvshv̄nglv́m í longe. 4 Jàmaqá, Ngàí v̄la:tnìni, “Shāgóng svng sha:tnò dá:ngí, vrá pàgø wá mvlú:nò rì svng mèsèrenøngni. 5 Namaq svrēshi rà we nø kagǿ mv̀ng í we Ngàí dvshatna:tnìni. Sha:tnò dá:ngí zùpvng svmi móng svng gurlv́m vmíng vkv́ng v̄l pè svng mv̀ng sèrenøng. Namaq svng Ngàí jø̀ngjǿng v̄la:tnìni, Ang svng nø jø̀ngjǿng svre ràe. 6 Cvkācè pùngwà gō nø bèshàn vní gø̀m taq nvmkéò we mø̀í ma? Iwe, Gvrayí nø cvkacè tiq gō svng gø mànáò. 7 Namaq vgōnī hǿng vrv̀m shvngbe gø vrø̄shaq íe. Wervt svre mvrà. Kadø íe wani namaq nø cvkacè mvme go mvdv̀m té nàpǿnønge.