Nazaret svng Yesu vtv́ng ráì we.

Wekvt Moshií nø, Yehowaí ang svng dvká:mò dø tiqdvchá cà:nò nø shvngbe wàòe.  Wervtnø̀ noqngø̀m shìyat shvri:pmò we nø, vní nǿng wā nǿng tiq shvlá tiq ni taq í yà:ngì. Wekvt Moshií noqngø̀m shìyat shvriplv́m, tvróng shvrúngràri shvrú:ngò nø, shǿngkø̀mrì ku:ngò dá:ngí, dø̄nshvniprì rvzǿò nø tvróngrì gø ku:ngòe. Yehowaí Moshi svng dvkv́mshaq dø tiqdvchá, noqngø̀m shìyat mvdv̀m taq zøp laqtun gwaqlàng dù:ngí zø:pmò nø, we mvdv̀m taq ang shvlēlēí pø̄ò nø wā:mòe.Vrá, Shvksekà lóngkø̀m gø̀mní nø, shøpdik vdòng taq zá:ngò nø, baqlv́m shvlūn gùngní gø shøpdik taq rvzǿòe. Dvsházā rúngtv̀ng gø̀m gø shøpdik mvdv̀mø ha:pmòe.  Yehowaí Moshi svng dvkv́mshaq dø tiqdvchá, shøpdik chv̀ng nø noqngø̀m shìyat vdòng svng baqa:tnà dá:ngí, dvkøq laqtun dùng chù:ngò nø shvkse shøpdik svng dvkøqòe. Wekvt Dvhø̄mshìrà Shiyat svng nø rvmø:tní wv̄m daqà nø noqngø̀m shìyat nø Yehowa Ang ngø̀rpòngbà:ngí dv̀nzø̀ng daqì. Wekvt rvmø:tní weyv́ng wv̄m daqà nø, noq ngø̀m shìyat lòng nø Yehowa Ang ngø̀r pòngbà:ngí dv̀nzø̀ngá:mì rvt, Moshií nø Dvhø̄mshìrà Shiyat vdòng svng góng mvlú:nò.  Israel dvcì cèrì di we tvrà yv̀nggùng taq, noqngø̀m shìyat mvdv̀m kèní rvmøt tùng kv̄ngshìv̄m kvt vrv̀m angmaq búnge.  Iwe, noqngø̀m shìyat mvdv̀m kèní rvmøt tùng mvkv̄ngshì dv́ngte nø angmaq mvbúng, rvmøt tùng búng b long ni høq cāòe.  Kadø íe wani Israel rvp cèrì dī we tvrà í dv́ngte taq, Yehowa Ang rvmøt tùng nø angmaq shvngbe mv́rdv̀ng taq, vyá:ngí nø noqngø̀m shìyat mvdv̀m bø̄:mò nø, yaqdø̀:ngí nø svmi wáshì nø angmaq svng dvgáāòe.

Vrá, muqlàng móngdàn nø, tìnúng taq gø:pmò nø, Ngā angpv̀npv̀n shvngbe gøp lú:nò we shǿmgún tiq lòng nvng vbónge.  Shǿmgún dv̀n zø̀ngvm kvt, angmaqí vdàm pā svng shv̀la:tnò nø, rung sórí ngà shvlá rì rvcà:ngò nø dvrè taq zá:ngòe. Inìgø màshvla rì svng nø angmaqí gu:ròe.  Rvgaq yabàn tìsi lv̀ngdø̀m rvtø̀ taq gø welòng dø tiqdvchá, muqlàng dvzv́rrì búng daq weí, døngman rì dvhø̀ taqkèní vsvng mvgv́m rì svng rvwìng bǿò nø,  svmi ràdv̀ng vdòng svng werì gūr bǿòe. Weyv́ng angmaq ngø̄ nø shà vjitshi sórí tǿnshi we vhǿm lú:ngòe. Yadv́ng pv̀n shvngbe namaqí ècíng bǿshà ma?” wa rø:tnò kvt angmaqí Yesu svng, “Cíng bǿshà,” a:lòe.  Wekvt A:ngí angmaq svng, “Wedø í rvtnø muqlàng móngdàn dāng shvngøtshaq í we mòngkà kàru cv̄nshì vsvng* gǿ vrv̀m nø, ang pø̀bø̄m taqkèní dvrè angshv́r gø, anglí gø, vpùn lú:ngò we chø̀m angkàng tiq gǿ nvng vbónge,” a:lòe.Yesuí kàshvbóng yarì shǿn dá:ngí, wervgaq kèní búngá:mì.