Nazaret svng Yesu vtv́ng ráì we

Nazaret svng Yesu vtv́ng ráì we

1 Yesu nø we yv́ng kèní búng nø, Ang v̀l yàng mvrìng svng vtv́ng ráì. Ang coqcv́nrìí gø Ang mèpvng cà:nòe. a 2 Narni vhø̄m ráì ke, júrøt chø̀m yv́ngø A:ngí shvngø:tnòe. Táò vsvng mvme nø, dàá:mì nø yadø wae. “Yapèí yadv́ng pv̀n nø kayv́ng kèní lú:nò ma?

Yadv́ngte jórnònggùn bv̀nlì wá dá:ngò høq, A:ngí sháò we zitnøt rálnøt nø kadø lú:nò ma? b 3 Yapè nø Mari angcè, Yaku, Yose, Yuda nvng Simon angnv̄m pè, shǿngkø̀m rvmú lànglì pè mø̀í ma? Angnv̄m mèla gø yayv́ng nøngmaq nvng tiqdø à:lì we mø̀í má,” wa vrùng nø Ang svng yv́ng mvtv̀má:mò.

4 Iwe Yesuí angmaq svng, “Kàdvtutshú nø dvgá rvgaqø vpǿò we í nìgø, vdè rvp rì nvng vdè rvwá taq nø kayv́ng gø màpǿò,” a:lòe. 5 Weyv́ng kèní za we tiqmaq svng Ang wur hapshì weí dvbā:nò we wa mø̀í nìnø, dvgá dø dàlv́m bv̀nlì kapà gø A:ngí mvwàò. c 6 Angmaq kv́mnøt màvl lòng svng Yesu dàe. Weyv́ng kèní gùrhøm vl we tiq rvwá nø tiq rvwá sv̀ng Ang di nø shvngø:tnòe.