Ngv̀nshà rì kaq shóngshì rà we

Namaq nø Gvrayí vshóngshaq nvng rvhiqshaq shànshér we Ang bashà èínøng dø tiqdvchá, mvrézanøt, mvkok dvdínøt, cipshinøt, nøtkøn nøt nvng nøt shvyvngshi nøt ègwāshìnø̀ng nø;  Namaq tiq gǿgǿ dvhø̀ø nøt vyv̀ngkélv́m la vl nìnø, tasv̀ng nàtø̄nakénøng. Vkàngpèí namaq mvrà èchutnānø̀ng dø tiqdvchá, namaq gø tasv̀ng tàlē mvrà nachutnakénø̀ng.  Yarì shvngbe mvdv̀m nø, shóngnøt ègwāshìnø̀ng; shóngnøt nø shvrv́m shvrálv́m dvpvt ngv̀ng we sv̄nhǿng íe. Vrá, Kristu Ang mòngzø̀l lù:ngí namaq nøt svng øp dèzv́rshìnøng. Ang mòngzø̀l lù:ngí øp dvzv́rlv́m rvt namaq svng nø ègo bǿshà; wervt oqà wá ràe.  Namaq vdòng taq Kristu Ang mòngkà dv̀nshóng dø v́l dèzv́rnøng nø, Gvrayí zi daq we zitnøt í dv́ngte èzø̀mnøng weí tasv̀ng tàle dèshat dètúkénøng. Vrá namaq nøt vdòng taq nø, oqà wa sórí Gvray kaq shvgùn zàywàrì nvng shvring shvtà we nvng, pvlàcè zàywà rìí shèringnøng.  Namaqí pà èwànø̀ng nìgø, kà shø̀n we taq gø, bv̀nlì wa we taq gø, shvngbe nø Vkàngpè Yesu bø̀ng taq kèní èwànø̀ng nø, Ang taq kèní Vpè Gvray kaq oqà èwànø̀ng.

 Inìgø Ngà kà ètánøng rì namaq svng Ngàí v̄la:tnìni, namaq nvng ngv̀nshà í rì svng èshóngshinø̀ng. Namaq svng shvngōshì rì kaq nø shvlā we èwáānøng. Namaq kaq shèyǿm mètv́nvtnøng rì svng shvmán dègǿngānøng. Namaq svng mèyv̄mkévtnø̀ng rì dvpvt vjú èrøtnanøng.  Nà mvwā tiq pa napaqvt gǿ svng nø wápā gø shènáshi. Nà belaq mvdv̀m dùng ètølvm bø gǿ svng nø vdòng dùng gø màzí mèwāni.  Nà svng røt ra we kagǿ svng gø èzíò. Nà dvzøm dvrèrì èlv́ngāvm bø gǿ kèní gø mègùnni.  Vsa:ngí namaq svng kadø lvwáa rā dø èshòngnøng nìnø, namaqí gø wedø tiqdvchá angmaq svng èwáānøng  Namaq svng shóngshì rā rì kaq wa namaq èshóngshinø̀ng kvt kèní nø, namaq dvpvt pa vjú v̄le ma? Pàwálv́m wani mvrà vl rì gø vdè kaq shóngshì ra rì svng nø shóngshie.  Namaq svng shvla we wáa rā rì kaq wā namaqí shvla we èwáanøng kèní nø, namaq dvpvt pà vjú v̄l ma? Mvrà v̄l rì gø wedø nø wáshìe.  Tvlē vtv́nga lv́m vdá rì kaq wā èrūmnøng nìnø namaq dvpvt pà vjú v̄le ma? Mvrà vl rìí gøni, rū:mò dv́ngte vtv̄ngshì lúnlv́m dvpvt, mvrà v̄l rì svng angwà rū:mò we íe.  Iwe namaq mv̀ng nø, ngv̀nshà rì svng èshóngshinø̀ng nø, shvla we wá èmv̄nanøng. Vtv́ngā rā we svng nø màlǿmshishaq èrūmnøng. Wekvt mv̀ng namaq zìbè luq long nø, Vháng vtv̄ngpè angcèrì gø èí lóngnønge. Pawá wani Ang nø oqà wá mvsháò rì nvng nøt mvgv̄m màshvla rì svng gø nøt shvlāe. Namaq Nvpèí mvré èzanøng dø tiq dvchá, namaq gø mvré nàzākénøng. Vsvng kaq mèshèrànøngni; wekvt namaq svng gø Vsàngí shvrà we mènàhǿm lóngnøng. Vsvng kaq kà mèrvtnøngni; wekvt namaq svng gø kà mèrvtnvtnøng. Mvrà èchutnanø̀ng; wekvt namaq mvrà gø èchutnavtnønge. st  Ezínøng; wekvt namaq svng gø èzívtnønge. Zìdvng shvlá taq vtø̄ngshaq, yø̄lyø̄l a:lò dá:ngí līmlīmwa tíngdv̀ng namaq svng èshórāvtnø̀nge. Kadø íe wani namaqí vsvng kaq ètínganøng we zìdvng dø, Vsàngí gø we zìdvng taq ni namaq svng ètíngavtnønge,” a:lòe.