Pán vshat ca rà we

Mati 24:42-51

Wedø í rvt pán vshat ècānøng; kadø íe wani namaq Nvkàng pè kani di daq we namaqí mèshánøng. 43 Vkǿ nø yaqdø̀ng kārí kālvng taq di rā we svng, chø̀m angkàng pèí lā sháò nìnø, ang chø̀m svng lamvgòng ra dø ang pán dvshatshì nø vsù:ngò we svng namaqí èshánønge. b 44 Wervt namaq nø tvlú dègǿshì dánøng. Pàwálv́m wani namaqí di daqe mèlv́nnøng rvtø̀ taq, Vsvng Angcè pè nø di daqe.c 45 Chø̀m angkàng pèí chø̀msvng rì kaq øp dvzv́rlv́m bv̀nlì tvleshaq í we kv́mv́m vrvm we nvng zitnøt vl we vshuq nø kagǿ í má? Chø̀m taq vshuqrì svng shvláwa ø:pmò nø angmaq svng v́m rvtø̀ taq v́mpà túnaò gǿ wegǿ íe. 46 Angkàng pè vtv́ng daq kvt, welòng dø tiqdvchá wà dáò lòng svng a:ngí yv̀ng bǿò we vshuq wegǿ mv̀ng nø ìshøt ìgv̀n v̄le. 47 Ngàí namaq svng v̄la:tnìni. Chø̀m angkàng pèí wegǿ svng ang v́lāò dv́ngte mvdv̀m øpshú wáshì dvzv́r lú:ngòe. d 48 Iwe, kv́mv́m màrv̄m we vshuq nø ang nøt taq, ‘Ngà Vkàngpè vtv́nglvm nø shini mvmang,’ wa dvda:mò sórí, e 49 vshuq lamboqrì svng vdipmò nø, nø̀wú rì nvng tiqdø v́m aq nø v̄l kvt kèní nø, 50 vshuq wegǿ angkàng pè nø, tuq daqe mvlá:nò we angni nvng mvdǿm mvsháò we rvtø̀ taq ngām wa tuq ra weí, 51 ang svng angshí vza:tnò nø nøt vní shvlē cà:nò rì nvng tiqdø mvtū dvpvt bǿòe. Weyv́ngø rvyù rvyúng nø shà vjitshi longe.”