Rvcv́ng cèrì dvpvt júrøtnāò we

Efesus 3:14-21

14-15 Yalòng rvtnø muqlàng taqlap nvng rvgaq tø̀mø vl we dvcì vrv̀m Ang taqkèní bø̀ng tǿò pè, Vpè mv́rdv̀ng yv́ng ngà bvnciq tōngshø̀ng nø yadø røtnòe.

16 Vpè Ang ngø̀rdvgùng pǿng vtv̄ng rì svng cà:nò nø, Ang Pvlàcè taqkèní namaq dòngnøt taq jórnònggù:ní shaq dvkv́ng lúnlv́m rvt;

k 17 kv́mnøt èv̀lnøng yv́ng kèní Kristu nø namaq nøt vdòng taq nv̀nnv̀n v́l lúnlv́m dvpvt gø røtnòe. Wemvdv̀mø namaq nø shóngnøt vdòngø angké ngv̀ng dø angrø̄ èzvrshìnøng dá:ngí, l

18 Kristu shóngnøt nø kadvngshì gwaq we, yv̄ng we, vháng we nvng rvnaq we svng, rvcv́ng cèrì nvng tiqdø namaqí gø shvlá wa cíngrál èlúnnøng we mvdv̀mø,

m 19 Gvray Ang kø̀mgøm gø̀ we í dv́ngteí namaq svng dv̀n dvzǿnglv́m rvt, shá mvtǿmshì we Kristu Ang shóngnøt svng namaqí shá lúnlv́m dvpvt røtnòe.

n 20 Nøngmaq vdòngø dvzaqshì we jórnònggùn taqkèní, nøngmaqí rø:tnì we nvng dvda:mì we í dv́ngte mvdv̀mø vtvngshaq luq dø wá ngu:tnò pè Ang nø akvt,

o 21 shvngø̀mré vdòng taq gø, Kristu Yesu taq gø, dvciq lvpat mvril laril dvgùng laq vl dvr. Yadø laq í daq.