Rvgaqí shvngō ra we

Yohan 15:18-21

Rvgaqí namaq svng shèngovtnøng kvt nø, namaq svng shini mèshèngōnøng dvgvp, Ngà svng shèngong we svng èshánøng. m 19 Namaq nø rvgaqò èínøng pa í nìnø, rvgaq nø angò rì svng shóngshì døni namaq svng gø èshòngnøng ni we íe. Inìgø namaq nø rvgaqò rì mèínøng. Ngàí namaq svng rvgaq kèní rvcv̀ng bǿshà rvt, rvgaqí namaq svng shèngonøng we íe. n 20 ‘Vshuq nø angkàng mvdv̀m té ring we mø̀í,’ wvng namaq svng Ngàí vl bǿshà kà svng mèsøngnøng. Angmaqí Ngà svng dv́ng nàrèngnøng nø, namaq svng gø nàrevtnønge. Angmaqí Ngà kà svng cà:nò nìnø, namaq kà svng gø cv̀n lúngòe. o 21 Inìgø, Ngà svng dèzv́r dakngà pè svng angmaqí mvsháò rvt, Ngà bø̀ng rvtnø yadv́ng pv̀n shvngbe angmaqí namaq svng èwàvtnønge.