Shànshér Pvlàcè lāshì daqì we

Dvzvri 2:1-11

Pùngwàcé ni Bóy angni vhø̄m ráì dvgvp, kv́m vsvngrì shvngbe nø tiq yv́ngø wa dvkǿmshìe. a 2 Wekvt tiqdvshaqí nv̀mbø̀ngmè vhershì ra dø muqlàng kèní shaq tiq lòng dvraq daqì nø, angmaq rūng chø̀m taq dv̀nzø̀ng daqì. b 3 Pvlè dø vshv́m we svmi mv́làm gø angmaq svng dvtánshì daqì nø, bv̀ng shīnshì nø angmaq tiq gǿ nø tiq gǿ mvdv̀mø tuq daqì. c 4 Wekvt angmaq shvngbe nø Shànshér Pvlàcèí dv̀n d zø̀ngá:mì nø, Shànshér Pvlàcèí angmaq svng shǿn dvzá:rò dø tiqdvchá dvgá pv̀n kà rì shǿn pv́ngshi lú:ngì. 5 Wedvgvp nø, muqlàng lv̀ngpvng vsvng dvcì vrv̀m kèní di ráì we nøtshú nøtlø̀m we Yuda vsvngrì nø, Yerusalem wamà taq v̄le. e 6 Weyv́ng dvraq we shaq svng tá bǿà chàng vsvng loksok dvkǿmshi ráì nø angmaqí shø̀:nò kà svng tiq gǿ nø tiq gǿ vdèdè kàí tá lún bǿà rvt rìràá:mì. 7 Wekvt angmaq shvngbe ádádv̀ng wa nø vtiq sórí yadø wae; “Eyv̀ngnøng, yadø kà shø̀n rì nø Galili rì dvchǿng mø̀í ma? 8 Wedø íni kadø í nø angmaqí shø̀:nò kà nøngmaq tiq gǿ nø tiq gǿ vdèdè rvgaq kàí tá lúnshì ráì? 9 Nøngmaq Parti vsvng, Medi vsvng, Elam vsvng nvng Mesopotamia móng taq v̄l vsvng; Yuda nvng Kapadocia móngwál, Pontus nvng Asia móngwál; 10 Frigia nvng Pamfilia móngwál, Ejip móng nvng Kureni wamà shvnvng Libia móng, yadv́ng móng taq à:lì rì nvng Roma wamà kèní zaqlè dì ráì we Yuda vsvngrì gø, Yuda mvdò taq gòng ráì vsvng nvng gø; 11 Kreti vsvng nvng Arab vsvngrì, nøngmaq shvngbeí nø angmaqí shø̀:nò we Gvray Angò vtiqlv́m bv̀nlì mvshǿl, nøngmaq vdèdè kàí ni tá lún bǿshà,” wae.

Add new comment

1 + 3 =