Shì vsvng zūn lōng we

1 Corintuq 15:20-26

Wedø ínìgø, Kristu svng shì yv́ng kèní jø̀ngjǿng dvzun bǿà lòng nø shi yà:ngì rì zūnlv́m dvpvt angshí vwat íá:mì. j 21 Kadø íe wani shìlv́m lòng nø vsvng tiq gǿ kèní bung yà:ngì dø, shì yv́ng kèní zunlv́m lòng gø vsvng tiq gǿ kèní bung daqì. k 22 Pàwálv́m wani sv́ngzà wàngcè shvngbe nø Adam taqkèní shìlv́m vhǿm yv̀ngshà døni Kristu vdòng taq gø vsvng shvngbeí zūnlv́m lòng lún lú:ngòe. 23 Iwe wegǿ nø wegǿ vdèdè zūnlv́m rvtø̀ taq zun lōnge. Kristu nø angshí vwat í nø, mèpvng Ang di daq kvt nø, Kristu Angò rì svng gø̄ dvzūn lú:ngòe. l 24 Wemèpvng nø tìsi lv̀ngdø̀m angni tuq rāe. Wervt Kristuí nø, vgo wáshì we í dv́ngte svng gø, øp we vmíng vkv́ng nvng jórnònggùn í dv́ngte svng gø ca:tnò dá:ngí, móngdàn lòng nø Vpè Gvray kaq A:ngí tvlē lú:ngòe. m 25 Kadø íe wani Ang nvng ngv̀nshà í dv́ngte shvngbe svng, Gvrayí Kristu hí lv̀ngpvngø lv̄m dvzv́r lú:ngò høqshaq, Ang nø shini koqkv́m wáshì rà lōnge. n 26 Ngv̀nshàrì shvmv́nglv́m tìsi lv̀ngdø̀m lòng nø, shìlv́m lòng íe.