Shaqshaqwa v̀llv́m dvká:mò we

Yohan 16:29-33

Ang coqcv́nrìí, “Eyà:ngò, akvt nø Nàí kàshvbóng kèní mèshø̀:nò, chaqdvp èshø̀:nòe.

30 Akvt mv̀ng Nàí nø í dv́ngte shvngbe èsháò we nvng tiq gǿí gø Nà svng røt mvrà we nøngmaqí shá bǿshà. Wervt Nà nø Gvray yv́ng kèní èdì daqì we nøngmaq ká:mìe,” a:lòe.

 31 Yesuí angmaq svng vtá:nò nø, “Namaq nø akvt wa èkv́mnønge ma?

32 Eyv̀ngnøng, namaq nø vdèdè chø̀m svng nàkangv́mnø̀ng nø, Ngà wa ègur ráshà we rvtø̀ tuq rae, akvt ni tuq ráì.v Inìgø Vpè nø Ngà nvng tiqdø v̄l rvt, Ngà nø Ngà wa mø̀ǿngà.

33 Ngàí namaq svng yadv́ng pv̀n dvtá bǿshà we nø, Ngà vdòng taq mòngzø̀l lòng namaqí lúnlv́m dvpvt íe. Rvgaq tø̀mø nø namaqí dvshà mvhøt lòng nàhǿm lóngnø̀nge. Inìgø shaqshaqwa èv̀lnøng, rvgaq svng Ngà jorv́mà,” a:lòe.