Tiqcé vní pè dvzá:rò we

Mati 10:1-7

Tiqcé vní pè dvzá:rò we

1 Yesuí Ang coqcv́n tiqcé vní pè gōa:tnà dá:ngí, mvmv́ng cáng kaq lúng dv́nglv́m nvng záyv̀ng pv̀n vrv̀m dvbān dv́nglv́m vmíng vkv́ng angmaq svng zíòe. a 2 Dvzv́r tiqcé vní pè angmaq bøngrì nø yadø íe. Nv̀mlat pè nø Piter, tǿò pè Simon; vrá angnv̄m pè Anderu; Zebedi angcè Yaku nvng angnv̄m pè Yohan; b 3 Pilip nvng Bartolemi; Toma nvng kùyà gún pè Mati; Alpiu angcè Yaku, vrá Tadiu; 4 Nøtlø̀m pè Simon nvng Yesu kaq nv̄má:mò pè Iskariot vsvng Yuda íe. 5 Ya tiqcé vní pè svng dvzá:rò sórí, Yesuí angmaq svng yadø dvká:mòe. “Wv́ngzàrì dangdang gø mèdinø̀ngni; Samari mvrìng rì svng gø mègòngnø̀ngni; 6 Israel rvp kèní vmàn yà:ngì we vyv̀ngrì yv́ng svng wa èdìnøng. c 7 Wedø èdìnøng sórí, ‘Muqlàng móngdàn níshì ráì,’ wa dèshv̄ng bǿnøng.