Vkàngpèí shvngøt we vjú røtkà

Gvray Mongka

Luka 11:1-4

Tiq ni taq Yesu nø tiq zàngø vjú røtshì we, røt dv́ng bǿà kvt Ang coqcv́n tiq pèí Ang svng, “Vkàngpèá, Yohan dvsháí ang coqcv́nrì svng júrøt shvngøt yà:ngà dø, nøngmaq svng gø júrøt shèngøtshà lè,” a:lòe.  Wekvt Yesuí angmaq svng, “Namaq vjú èrøt nǿng dvgvp yadø èrøtnø̀ng. b ‘Vpèá, Nà bø̀ng svng shànshér dø vpǿ laq sháì. Nà móngdàn laq tuq daq. Ni vrv̀m ràì we v́mpà nøngmaq svng èzí daqshà.  Nøngmaq svng nàléì rì kaq nøngmaqí chutnaì dø, Nøngmaq mvràrì gø èchutna daqshà. Dvløtra yv́ng svng nøngmaq mèshø̄lshà ni,’ wa èrøtnø̀ng,” a:lòe.