Vmpà màv́m vnatshi dāng rø:tnò we

Ang nø mvyv́ngshi we Gvray Ang mv̀rshv̀m mvdø̀ng í nø, vmv́nshaq pv̀n í dv́ngte taq kèní vlat gv̀l yà:ngà pè íe.  Kadø íe wani vl we í dv́ngte nø Ang taq kèní mv́n yà:ngà. Muqlàng taqlapmø vl dv́ngte gø, rvgaq tø̀m taq vl dv́ngte gø, yv́ngshì pv̀n, mvyv́ngshi pv̀n gø; koqkv́m kó, øpshú dùrì, vgo zǿmshúrì, vmíng vkv́ng vl we kapv̀n ínìgø, vl dv́ngte nø Ang taq kèní Ang dvpvt ni mv́n yà:ngà we íe.  Vrá Ang nø vl we í dv́ngte shvngbe vzv̀ng kèní àv́lshaq í nø, vl we í dv́ngte nø Ang vdòng taq vzø̀m we íe. Pv̀n vrv̀m taq Ang nø métiq lví long dø, Ang nø Ang góng í we shvngø̀mré vgo gø í nø, angké dvbúng pè gø í nø, shì rì kèní gv̀l daqà we vlatpè íe. Kadø íe wani Vpè Gvray Ang kø̀mgøm we í dv́ngte nø, Kristu vdòng taq v́l dvzv́r shvrúnge.  Vrá, Kristu Ang wurgang taq vyǿ bǿì we shvwi kèní mòng dvzø̀:lò dá:ngí, Gvrayí nø Ang taq kèní, rvgaq mvdv̀m taq vl pv̀n ínìgø, muqlàng taqlapmø vl pv̀n ínìgø, vl dv́ngte shvngbe svng Kristu taq kèní Ang nvng shvrv́m shvrálv́m shvrúng we íe.