Vmpà màv́m vnatshi dāng rø:tnò we

Luka 5:33-39

Vrá angmaqí Ang svng a:lò we nø, “Yohan coqcv́nrì nvng Farisi coqcv́nrì nø angkvt angkvt v́mpà màv́m vnatshì nø júrøt we íe. Iwe Nà coqcv́nrì nø v̄m nø aq nø lvv̄l nìnø!” a:lòe. l 34 Yesuí angmaq svng, “Zvmì lé bóy taq lvngàshv́rpè shini vl dvgvp, zaqlèrì svng namaqí v́mpà màv́m vnatshi dèzv́rnøng we v̄le ma? 35 Inìgø Lvngàshv́r pè svng angmaq yv́ng kèní lù bǿò we angni tuq rae. Wekvt mv̀ng angmaq gø v́mpà màv́mv́m vnatshì rà longe,” a:lòe. Angbøt angshv́r vshú mvdaq we 36 Yesuí angmaq svng kàshvbóng tiq lòng rá shø̀:nòe. “Belaq shv́r kèní tiq puq rá:nò nø belaq bøt taq dvcaqò vsvng màvl. Wedø èwàò nìnø, angshv́r dùng gø díngvme, dèce bǿà we angshv́r puq nvng angbøt dùng gø màrá long. 37 Vrá, bìmtì angshv́r gø, shāce yǿngkoq angbøt taq zá:ngò we vsvng màvl. Wedø èzá:ngò nìnø, yǿngkoq bøt svng bìmtì angshá:rí díngkéò nø, bìmtì gø vupmv̄me; shācē yǿngkoq gø gvyaqv̄me. 38 Bìmtì angshv́r nø shacē yǿngkoq angshv́r taq mv̀ng zv́ng ràe. 39 Bìmtì anglí aq dv̄r vsvng nø bìmtì angshv́r lòng aq mvneshi. Kadø íe wani angnø, ‘Anglí lòng té gv̄me,’ wa longe,” a:lòe.