Vmyø̀ wø̄n kàshvbóng

Vmyø̀ wø̄n kàshvbóng

4 Tiq mvrìng nø tiq mvrìng kèní vsvng loksokrì nø Ang yv́ng svng dvkǿmshì ráì kvt, A:ngí kàshvbóng kèní shvngø:tnòe. c 5 “Vmyø̀ wø̄n vsvng nø v̄myø̀ wø̄n nvng búngá:mì. A:ngí wø̄:nò dvgvp, tiqmaq nø tvrà shvmōr taq vjáá:mì nø, Vsàngí gø lv̄m bǿà, muqlàng carìí gø tǿvm bǿà. 6 Tiqmaq nø, longheq mvdv̀m vjáá:mì we, tì mvlú:nò rvtnø, yó lú:ngì chàng shúngá:mì. 7 Tiqmaq nø bv̀nghǿ póng taq vjáá:mì nø, v̄m nø bv̀nghǿ rì nvng tiqdø té lú:ngì we, bv̀nghǿ rìí lúmke bǿà. 8 Tiqmaq nø vbā shvlá taq vjáá:mì nø, té lú:ngì weí angshí gø tiqyá dvtv̀ng shí lú:ngì,” a:lòe. Yadv́ng pv̀n shǿn dá:ngí sir wa vkiq nø, “Vnà vdá gǿí nø laq táò,” a:lòe. 9 Wekvt Ang coqcv́nrìí kàshvbóng welòng ang lvjøm pà í we Ang svng rø:tnòe. 10 A:ngí a:lò we nø, “Gvray móngdànò vmáshaq kàrì namaq svng nø shá lúnlv́m vmíng vkv́ng vzíshaq íe. Dvgámaq svng nø, ‘Angmaqí dvjaqò nìgø yv́ng mvlúnlv́m, táò nìgø mvcínglv́m rvt, kàshvbóng kèní wa shø̀:nò we íe.’ d 11 Kàshvbóng ang lvjøm nø yadø íe: Vmyø̀ nø Gvray Mòngkà íe. e 12 Tvrà shvmōr taq vjáá:mì rì nø tá bǿà rì íe. Angmaq kv́m nø gø̀nshaq mvlúnlv́m dvpvt, cáng di ráì nø angmaq nøt vdòng kèní mòngkà lùv́m bǿà rì íe. f 13 Lóngheq mvdv̀mø vjáá:mì rì nø, tá bǿà chàng mòngkà svng dvbùnø:tní vtōshi rì íe. Iwe yarì nø angrø̄ mvcaqshì weí, angmaq tiq chàm wa kv́m nø, dvløt we vhǿm bǿà nìnø calángshi rì íe. 14 Bv̀nghǿ póng vdòngø vjáá:mì rì nø, tá bǿà mèpvng ang lvpat tvrà taq yamvril nøt dvshàlv́m nvng pø̀yá pø̀nūng vdá we nvng góngsha dvbùlv́m rìí angnøt svng zvpkéò nø, gong we angshí mvshí long mvdò íe. 15 Vbā shvlá taq vjáá:mì rì mv̀ng nø, angmaqí mòngkà svng tá bǿà nø nøt shvla we nvng dø̄ngnø:tní kǿng vtøp mvnvtshi nø, tø̄n zánnø:tní angshí shí long mvdò íe.g

Add new comment

14 + 4 =