Vsvng vbì pè gōò we

Mati 4:18-22

Vsvng vbì pè gōò we

18 Galili tìnúng shvnv̄ng di ke, Piter, tǿò we Simon nvng angnv̄m pè Anderu nv̄mnícè nø tìnúng taq shǿmgún dvgupke we Yesuí yv̀ng bǿà. Kadø íe wani angnínv̄m nø ngà vkwìke vsvng íe. pq 19 Yesuí angnínv̄m svng, “Ngà mèpvng ècv̀n ráshì. Ngàí nàní svng vsvng vkwíshú wáshì dvzv́rlv́m íe,” a:lòe. r 20 Welā:ngí ni angní nā:mí shǿmgúnrì cā la:ngò nø Ang mèpvng cv̀n bǿà. s

21 Weyv́ng kèní vrá dìá:mì nìnø, angnínv̄m shø̀ngshāng vní pè, Zebedi Angcè Yaku nvng angnv̄m pè Yohan svng vhǿm bǿà. Angní nø angpè Zebedi nvng tiqdø kùngshí taq angmaq shǿmgúnrì dvcēshì nø v̄l dāe. Wekvt A:ngí angnínv̄m svng gø gōòe. 22 Welā:ngí angní nā:mí nø, angpè nvng kùngshí lòng cā la:ngò nø Ang svng cv̀n bǿà.