Yesuí wà yà:ngà we dvgá gø mvme pv̀n v̄le.

        Piter lv́mposhì nìnø, cáyaq dørø̀m vmpà vm dvga:pmí Yesu pøtpúm svng dø̀mkùng námshì sórí, “Vkàngpèá, Nà svng ènv̄mv̄m pè nø kagǿ íe ma?” wa rø:tnò pè Yesu shóngshì we coqcv́n pèí cv̀na:tnà we svng yà:ngòe. m 21 Piterí ang svng yv̀ng bǿà nìnø à:ngí Yesu svng, “Vkàngpèá, yapè nà, kadø í long ma?” a:lòe. 22 Yesuí ang svng, “Ang svng nø Ngà dø̄ng dak ni høq la v́l dvzv́r mvyǿngnøng gø, nà pà shǿnrà vl ma? Nà mv̀ng nø Ngà mèpvng ècv̀n ra,” a:lòe. 23 Weyv́ng kèní, coqcv́n wepè nø mvshì long, wakà yalòng nø, vnvm vchvng rì dvhø̀ø shv̀ngá:mì. Iwe Yesuí nø wepè svng, ang nø mvshì long, nø màa:lò. “Ang svng nø Ngà dø̄ng dak ni høq la v́l dvzv́r mvyǿngnøng gø, nà pa shǿnrà vl ma?” mv̀ng a:lò we íe. 24 Yadv́ng pv̀n dvpvt shvkse wáshì nø vruò pè nø, coqcv́n yapè ni íe. Ang shvksekà nø dìng we svng nøngmaqí sháìe. n 25 Yesuí wà yà:ngà we dvgá gø mvme pv̀n v̄le. Iwe we rì mvti mvni shvngbe la nàruò nìnø, nàruò we kàrurì nø rvgaq yalòng taq gø damvcv́ngni, wvng dvdv̄mòe. o.