Yesu Galili móng svng gòng we

Yesu Galili móng svng gòng we
43 Vní ni mèpvng Yesu nø weyv́ng kèní búngá:mì nø Galili móng svng gòngá:mì. v 44 Kàdvtutshú svng nø vdè rvgaq rìí màpǿò, wa nø Yesu Ang vdèí ni vshǿnshaq í we; w 45 Galili rì Yerusalem bóy svng dìa:pmì nø, Yerusalem bóy taq Yesuí wàò rì shvngbe yv̀ng a:pmà rvtnø, Galili móng svng Yesu gòng lú:ngì dvgvp angmaqí Ang svng vtōòe.x
Kapernum dù pè angcè dvbā:nò we
46 Yesu nø A:ngí tì kèní bìmtì shvlèa:pmà we Galili móng Kana rvwá svng vrá tiq kvt tuq ráì. Wekvt Kapernum mvringø dù tiq pè v̄l we, angcè pè zae. y 47 Yesu nø Yuda móng kèní Galili móng svng tuq ráì wa kà à:ngí tá bǿà kvt, Ang yv́ng svng dìá:mì nø, shìlv́m dv́nshi we Angcè pè svng Yesu di daq nø dvbanalv́m dvpvt røtshìe. z 48 Yesuí ang svng, “Namaqí nø shálv́m mvshv́lpvrá nvng vtiqrà ni mèyv̀ngnøng kèní nø, kadø ínìgø mèkv́mnøng,” a:lòe. a 49 Dù pèí Ang svng, “Vkàngpèá, ngàcè shini mvshì dvgvp èdía daqshà,” a:lòe. 50 Yesuí ang svng, “Nàtv́ng da, nvcèpè nø cúnshìe,” a:lòe. Yesuí a:lò kà svng wepè kv́m nø vtv́ngá:mì. 51 Wekvt ang yøt mv̄nshì daqì dvgvp, ang vshuqrìí ang svng vhǿma:tnà nø, Angcè pè baná:mì we dvtáòe. b 52 Ang ka rvtø̀ kèní ban bǿì we angmaq svng rø:tnòe. Angmaqí ang svng, “Cáni vyáng mèpvng tiq nari* taq ang vkatshi lòng shø̀má:mì,” a:lòe. 53 Wervtnø̀ Yesuí, “Nvcè pè nø cúnshìe,” wa nø, ang svng v̄la:pmà rvtø̀ taq í we angpèí shá bǿà nø, ang gø angmaq rvp rvpkøp gø kv́m bǿì. c 54 Yalòng nø Yuda móng kèní Galili móng svng Ang vtv́ng ráì mèpvng Yesuí wàò we shálv́m mvshv́lpvrá vní pv̀n wapv̀n íe.