Yesu mv̀rshv̀m shø̀ngshang vmvtná:mì we

Mati 17:8-13

Angmaq kāng ngángshi nø dvjaqò nìnø, Yesu Ang wa mø̀í nìnø, dvgá tiq gǿ gø mvyv̀ng bǿà. 9 Shìgùng kèní angmaq yøtshì daqì dvgvp, Yesuí angmaq svng dvká:mò nø, “Vsvng angcè pè Ngà nø shø̀ng yv́ng kèní vrá mvzūn long dv́ngte, namaqí èyv̀ng bǿshà lòng vsvng tiq gǿ svng gø mèshø̀nnøngni,” a:lòe. d 10 Coqcv́n pèlaí Ang svng, “I nìnø, dvrá svrarìí pàwálv́m Eliya nø vzv̀ng dí ràe, wae ma?” a:lòe. e 11 Yesuí vtà:ngò nø, “Eliya ni jø̀ngjǿng di daq nø, pv̀n vrv̀m shvngbe vrá dvcøp shvzø̄ngā daqòe. 12 Ngàí v̄la:tnìni, Eliya nø vdíshaq í we, angmaqí ang svng màmvshá:lò. Angmaqí wá mvyǿ dø lè ang svng wà bǿà. Welòng dø tiqdvchá Vsvng Angcè pè Ngà gø, angmaq wur taq dvsháyv̀ng tø̄nshìlv́m í longe,” a:lòe. f 13 Wekvt wa, Ang nø Tiløp Yohan kaq wā we svng coqcv́nrìí cíng bǿà.