Yesu nø gø̀nshaq zidòng í we

Yohan 6:30-35

Wekvt angmaqí Ang svng, “Wedø íni nøngmaqí yà:ngì nø Nà svng kv́mlv́m dvpvt kapà shálv́m mvshv́lpvrá èwàòni ma? Pà tiq pv̀n èwàò ni ma? j 31 Kàru taq ‘A:ngí muqlàng kèní zidòng angmaq svng zí yà:ngà,’ wa nø vrū yà:ngà dø, nøngmaq vkop vkàngmaq nø rvgaq mvgūng móngø manna zidòng v́m yà:ngì,” a:lòe. k 32 Wekvt Yesuí angmaq svng a:lò we nø, “Ngàí kàdøng v̄la:tnìni, muqlàng kèní zidòng èzí yv̀ngshà pè nø Moshi mø̀í; muqlàng kèní zidòng mvdø̀ng lòng èzínøng pè nø Ngà Vpè mv̀ng íe. l 33 Kadø íe wani muqlàng kèní lāshì daqì nø, rvgaq tø̀m vsvng kaq gø̀nshaq dvcúnaò pè wepè nø Gvray Ang zidòng íe,” a:lòe. m 34 Wervt angmaqí Ang svng, “Vkàngpèá, akvt kèní nø zidòng welòng nøngmaq svng mànārnār èzísha lè,” a:lòe. 35 Wekvt Yesuí angmaq svng, “Ngà nø gø̀nshaq zidòng lòng ǿngàe.