Yesu nø narni Angkàng í we

Marko 2:23-28

Yesu nø narni Angkàng í we

 Narni taq, Yesu nø zong yv̀nwà dvhø̀hø̀ léshì vdu ke, Ang coqcv́nrì nø di sórí zōngshí rvtnv̄me. e 24 Wekvt Farisirìí Ang svng, “Ku, narni taq wàlv́m dvrá màvl we, angmaqí pàwálv́m wàòe ma?” a:lòe. 25 Wervt Yesuí angmaq svng, “Dawi nvng angó tiqdø vl rì nø, svrí shì lú:ngì nø zǿmdv̀ng la:ngí a:ngí wa yà:ngà we tvrà mèrø dv́rnøng ma?

26 Abiatar shvrúngshú vgo wáshì dvgvp, Dawi nø Gvray chø̀m svng gòng nø, shvrúngshú pè wa mø̀íni kagǿ gø v́mlv́m dvrá màvl we, dvtan zidòng welòng á:mò nø, ang mèpvng zv̀n rì kaq gø zí yà:ngà. f 27 Vsvng nø narni dvpvt wà yà:ngà we mø̀í, narni lè nø vsvng dvpvt wà yà:ngà we íe. g 28 Wervtnø̀ vsvng angcè pè Ngà nø, narni Angkàng pè gø ǿngàe,” a:lòe.