Yesu vmíng vkv́ng dang rø:tnò we

Yesu vmíng vkv́ng dang rø:tnò we

27 Wemèpvng angmaq nø vrá tiq kvt Yerusalem svng tuq ráì. Yesu nø Noqngø̀m Tø̀ngnø vdòng vriqò dvgvp, shvrúngshú vjìrì, dvrá svrarì nvng shaqré shaqtvng rì nø Ang yv́ng dì ráì. o 28 Angmaqí Ang svng, “Nàí èwàò we yadv́ng pv̀n nø pà vmíng kèní èwàòe? Kagǿí nà svng vmíng èzie ma?” a:lòe. 29 Yesuí angmaq svng, “Ngàí gø namaq svng tiq kà røtna:tnìni; Ngà svng gø nàtv́nsha. Wekvt wa yadv́ng pv̀n nø kapà vmíng kèní Ngàí wv̀ngò we namaq svng gø dvtádv̀ng íe. 30 Yohan dvsháí tìløp løpmaò lòng nø muqlàng kèní í ma? Mø̀íni vsvng kèní í ma? Ngà svng nàtv́nsha,” a:lòe. 31 Wekvt angmaq nø angmaq vrùng nø, “‘Muqlàng kèní íe,’ ā:lì nìnø, A:ngí nøngmaq svng, ‘Wedø íni, ang svng namaq pàwá mèkv́mnøng?’ dvwa rani. 32 ‘Vsvng kèní íe,’ la ā:lì nìnø, Yohan dvshá nø kàdvtutshú mvdø̀ng tiq pè í we svng vsvng shvngbe kv́m rvtnø, angmaq svng svre ràe,” wa vrùnge. 33 Wervt angmaqí vtà:ngò nø Yesu svng, “Nøngmaqí mvsháì,” a:lòe. Yesuí vtà:ngò nø angmaq svng, “Wedø í ni, kapà vmíng kèní Ngàí yadv́ng pv̀n wv̀ngò we, Ngàí gø namaq svng màdvtáì,” a:lòe.