Zong nvng Shvlēba ang lvjøm

Gvray Mongka Tiq Tut

BÚNGÁM  33:7-11,34:5-9,28

Israel cèrì zóngdap kupshi daq kvt vrv̀m Moshi nø zóngdap vtv́ng lap mvme vsār yv́ng shànshér shìyat kup yà nø shìyat welòng svng a:ngí Dvhø̄mshirà Shiyat, wa tǿòe. Wekvt Yehowa svng lá vsvng kagǿ ínìgø dap vtv́ng lap Dvhømshìrà Shiyat yv́ng svng di ràe.  Shiyat yv́ng svng Moshi gòngvm kvt vrv̀m bashà rì búng nø angmaq tiq gǿ nø tiq gǿ vdè zóng bv́ngkà chit yv́ng rip sórí, Dvhø̄mshirà Shiyat vdòng svng Moshi gòngvm yv́ng høq ang svng vdaqdv̀ng wā dvjaqe.  Moshi nø Shiyat vdòng svng gòngvm kvt vrv̀m rvmøt tvróng lāshì daq nø Shiyat bv́ngkà chit yv́ng rip daqe. Wedá:ngí Yehowa nø Moshi svng kà shø̀n daqe. Rvmøt tvróng nø shìyat bv́ngkà chit yv́ng rip daq we svng bashà rìí yv̀ng bǿò kvt vrv̀m shvngbe búng nø angmaq tiq gǿ nø tiq gǿí vdè zóng bv́ngkà chit yv́ng kèní noqòe.  Vsvng tiq gǿ nø ang nv̀mnv̀ng tiq gǿ svng kà dvmv̀n padø, Yehowa nø Moshi svng mv́r dvhø̄mshì nø kà dvmv̀ne. Moshi nø dap vdòng svng vtv́ngv̄m kvt vrv̀m, ang dvzømshú í we Nun angcè gùchàngré pè Yoshuya nø Shiyat vdòng kèní mvléshì.Wekvt Yehowa nø rvmøt taq lāshì daqì nø, Moshi nvng tiqdø rip dá:ngí, Moshií Yehowa bø̀ng svng gōò nø dvshā:ngòe.  Yehowa nø ang mv́rdv̀ng léshì nø yadø dvsha:ngòe. “Yehowa, Yehowa nø dvsházānøt nvng jejú dv̀nzø̀ng pè Gvray íe. Ang nø shv̀mná rí màpán nø mvkok dvdínøt nvng nøtdøng kv́mv́m vrv̄m nøt dv̀nzø̀ng pè íe. Ang nø angkíng mvril høqshaq ínìgø mvkok dvdínøt vl nø, mvdø̀ng mvmān we nvng dvrá svng vléòrì, mvrà wàòrì svng chutnāò pè íe. Inìgø zì vl vsvng kaq màshø̄nshaq A:ngí mvlàng ráò. Angkop angkàng maqí mvdø̀ng mvman we wàò lòng mvrà dvkà nø, angcèrì nvng ang pvlí pvlaqrì vshø̀m vbì mvril høq vnā dvzá:rò pè íe,” wae.  Wekvt Moshií nø tiqdvshaqí vbātø̀m svng kǿngkupshì nø Yehowa svng noqòe.  A:ngí rá, “Vkàng pèé, akvt ngàí Nà nøt wv́mshì dvzv́r we í nìnø, Yehowa Nà nø nøngmaq yv́ng èzv̀n nø, nøngmaq nvng tiqdø èdi. Bashà rì nøngmaq nø shvngārshàì we vsvng íshà nìgø, nøngmaq mvdø̄ng mvmā:nìrì nvng nøngmaq mvràrì svng èchutnāshà nø Nàò zaqshøp ílv́m dvpvt nøngmaq svng nātoshà, wv̄ng nø Nà svng røtne,” a:lòe. Kàgvp shvdWervt Moshi nø v́m gø màv́m, aq gø màaqshaq vbìcé ni vbìcé yaq Yehowa nvng tiqdø v̄le. Wekvt kàgvp kàrì, Dvrá tiqcé dāng nø lóngkø̀m vní gø̀m taq a:ngí vrūòe.

Mati 13:36-43

 Weyv́ng kèní Ang nø vsvng loksok mvdò kèní rv́lshì nø chø̀m svng gòngá:mì nìnø, Ang coqcv́nrì Ang yv́ng dì ráì nø, “Rvmá hv́ngò shvlēba kàshvbóng lòng èpǿnāshà,” a:lòe.  A:ngí vtà:ngò nø, “Dvyø̀ shvlá wø̄:nò pè nø vsvng Angcè pè Ngà ǿngàe.Rvmá hv́ng nø rvgaq tø̀m íe. Dvyø̀ shvlá yarì nø, muqlàng móngdàn angcèrì íe; vráshvlēba rì nø, mvgv̄m pè wepè angcèrì íe. o Shvlēba wø̄:nò we ngv̀nshà pè nø, cáng pè íe. Shvrvt dvkø̄m rvtø̀ nø rvgaq yabàn tìsi lv̀ngdø̀m rvtø̀ taq íe. Shvrvt dvkø̄mshúrì nø muqlàng dvzv́rrì íe. Wedø í rvtnø shvlēba rì svng rvku:lò nø svmi taq wá:rò padø, rvgaq yabàn tìsi lv̀ngdø̀m rvtø̀ taq gø̄ welòng dø tiqdvchá í longe. p 41 Vsvng angcè pè Ngàí Ngà muqlàng dvzv́rrì svng dvzv́r dakngò nø, nøt vtøp dvzá:rò rì gø, dvrá mvcv̀n we bv̀nlì wàòrì í dv́ngte svng gø, Ngà móngdàn vdòng taqkèní rvkū:lò nø;  svmi ràdv̀ng vdòng svng gūr bǿòe. Wekvt weyv́ngø angmaq ngø̄ nø̀ shà vjitshi sórí, tǿnshi we vhǿm lú:ngòe. rWekvt døngman vsvngrì nø angmaq Angpè móngdàn taq vl nø, nv̀m døni shór longe. Vnà vdá vsvng wegǿí nø laq táò,” a:lòe.