Zong nvng Shvlēba kàshvbóng

Mati 13:24-30 Zong nvng Shvlēba kàshvbóng

Yesuí angmaq svng kàshvbóng vrá tiq lòng shø̀:nò nø yadø a:lòe. “Muqlàng móngdàn nø, vsvng tiq gǿí ang rvmá taq dvyø̀ shvlá wø:nò lòng nvng vbónge. g25 Iwe, vsvngrì yøp dvgvp ngv̀nshà pè dì ráì weí, zōng dvhø̀ taq shvlēba wø̄:nò dá:ngí loá:mì.26 Zōng yó lú:ngì nø, shírùng vyv́ng lú:ngà kvt nø, shvlēba gø yv́ngshì lú:ngì.27 Rvmá angkàng pè vshuqrì dì ráì nø ang svng, ‘Vkàngpèá, nà rvmá taq nø dvyø̀ shvlá dvchǿng èwø̄na:pmà we mø̀í ma? I nìnø shvlēba nø kayv́ng kèní vbá ráì?’ a:lòe.

Wekvt a:ngí angmaq svng, ‘Yalòng nø ngv̀nshà tiq pèí wàò we íe,’ a:lòe. Ang vshuqrìí vrá ang svng, ‘Ini nøngmaq dìì nø, put dvzv́r mèyǿe ma?’ a:lòe.29 Iwe a:ngí, ‘Mø̀í; namaqí shvlēba svng èput daqnø̀ng ke, zōng gø werì nvngnvng vput long we màshá.30 Ya vní pv̀npv̀n nø shvrvt rvtø̀ høq tiqrárá laq yō. Wekvt shvrvt rvtø̀ taq ngàí shvrvtshúrì svng v̄lò nø, shvlēba rì vzv̀ng rèkulnøng nø, wv́rlv́m dvpvt angrvnàm rènàmnøng. Zōngrì mv̀ng nø, ngà vzá taq kutwa dèkø̄m bǿnøng, v̀llv́m íe,’ wae,” a:lòe.

Vpø íwe pèmè vnvmchvngmaq mvdvmkaq tálúnì we Gvray gvsang Mongkà taq 
(1) Dvyø nø cúnshì we Gvray gvsang Mongkà íe walong svng yvnglún shìe.  
(2) Dvyø wø:nshúrì nø cunshaì we lvpat taq Gvray Mongkà taqkèní dvciq lvpat gønshaq vtoshì lúnlvm rvt shvngøtshú, dvzømshú Mongkà svra rì íe walong svng shvdømè. 
(3) Dvyø, Gvray gvsang Mongkà vjà we shvrà ,vtoshàì íwe nø nøngmaq bāsha rvzvngcerì íshàe walong svng yvnglún shìe. Cvnshì lúniè.

Vpø íwe pèmè vnvmchvngmaq
nøngmaq nø rvtø vrvm vléshì sháì. shaqcvm ìwe basharì íshàe. Rvtø vrvm nøngmaq lvpat taq Ngvnshà dvløt gvzvm we vhøm shá íe.  Nēí yv'ngshì we ngvnshà,  Nēí mvyv'ngshì we ngvnshà dvløt gvzvmè. Vkvt dø dvløt gvzvm we ngvnshà wūr taqkèní lutshi lúnlvm nø Dìngman we Gvray gvsang Mongkà, dvkvmkà vdòng taqø dìngman dø cúnshì nø Pvlace nonggùn kūngà lùshì lúnlvm, angshí gvzà shú:ng we rvzvngce wáshì lúnlvm dvkvme, shvdøm we Mongkà íe.

 Vrá nø, Mònggang taq Shvlá vtá:ng gønshaq kvmnønt tvrà svng Gvray yv'ng kèní vtoshì lúni we íni gø " Ngà" wàwe Gvray mv-shóngshì we, mvshér we Satan Ngvnshà pèò nønt Vjvng laqyarì dvchu:p lòng kvt zvngshi lòng kvt Dìngman we dvkvm Kà rì svng pàti mvlvn nø mònggang byōlv'm pvnrì taq wà Shvrúng nø dí vdù vm kvt, cvn vdù vm kvt lvngdøm taq Vsvng mvrdang , Gvray mvrdang yv'ng shvraqshìlvm, shaqcvmlvm, gønshaq vmánglvm vlē.. wanø Kà shvbung taqkèní Vkangpè Yesuí shvngøt dvtú we shvdøm we Mongkà íe. 

Wervt cunshaì we lvpat taq Gvray yv'ng kèní vtoshì lúni we Dvyø, Gvray gvsang Mongkà dvrá vdòng taq kvmnønt shvdìng shì laq lúni. lvmboqrìo Kvmnønt tvrà lvpat taqkèní shvbóng shvmvtshì nø Pvlace nonggùn kūngà lùshì laq lúni.