Yohan 3:1-8

“Ngàí kàdøng v̄lvtnøng, tì nvng Pvlàcèí màgv́lshaq vsvng kagǿ í nìgø, Gvray móngdàn svng góng mvlúnshì. d 6 Shagú:ngí gà:lò we nø shagóng íe. Pvlàcèí gà:lò we nø pvlàcè íe. e 7 Ngàí nà svng ‘Nà nø angshv́r gv́lshì ràe,’ wvng nø vl bǿngà rvtnø mènàtiqni. 8 Nv̀mbø̀ng nø ang wá mvyǿ yv́ng svng wa nø, angshaq nàí ètáò we ínìgø, kayv́ng kèní wà ráì we nvng kayv́ng svng wavm we nø mèsháò. Pvlàcèí vgv́lshaq vsvng gǿ vrv̀m gø welòng dø íe,” a:lò

Vsvng nx, gongsha ga:lo we nvng, pvlace ga:lo we tvra vle. Vshagong ga:lo long nx mvra chuto tvra mv-vl. I ni gx, pvlace ga:lo long nx nxng maq mvra chuto tvra vle. Pvlace ga:lo long nx, vti nxng shvnsher pvlace taq keni ga:lo long ie. We tvra taq keni Gvray mongdan gonglun shiwe ie.

Wervt nx, vti nxng Shvnsher Pvlace taq keni ga:lo long nx, Gvray Mongdan gong lun lvm dvpvt Yesui nxngmaq kaq dekvmo tvra, Yesui  Ang Mongdan gong lvm dvpvt mv-wa mvdaq we vming ezi shawe tvra ie. Vti nvng Pvlace taq keni ga:lo tvra nx, cvmre, shaqre, vsvng shvngbe i cvn dxng ra we tvra ie. Cvmre rii gx we jeju lun rawe dx tiqdvcha shaqre rii gx we jeju lun rawe ie.