Angcè vní pè kàshvbóng

Angcè vní pè kàshvbóng

28 Namaqí kadø dèdv̄mnønge? Vsvng tiq gǿ nø angcè vní pè vdá we a:ngí angcè vlat pè svng, “‘Ngàcèá, dèni nà nø kùlwàng taq bv̀nlì èwav̄m,’ a:lòe. 29 Wepè vtv́ngshì nø, ‘Ngà mvdø̀ng,’ wa we mèpvng ang língshì nø dìá:mì. o 30 Vrá, angpè nø mèpvng pè yv́ng di nø wedøni a:lò kvt wepèí, Vpèá dìlv́m íe, wa we dí jǿng nø mvdi. 31 Yapèní taqkèní angpè nøt cà:nò pè nø ka pè íe ma?” a:lòe. Angmaqí, “Nv̀mlat pè íe,” a:lòe. Yesuí rá a:lò we nø, “Ngàí jø̀ngjǿng namaq svng v̄la:tnìni, Gvray móngdàn svng nø kùyà gúnrì nvng góngnv̄mmè maqí lè namaq vzv̀ng kaq góng lún bǿòe. p 32 Kadø íe wani Yohan nø, døngman we tvrà cà:nò nø namaq yv́ng svng tuq daqì nìgø, namaqí ang svng mèkv́mnøng. Iwe, kùyà gúnrì nvng góngnv̄m mèlā mv̀ng nø ang svng kv́me. Namaqí yarì svng èyv̀ngnø̀ng we ínìgø, ang svng kv́m gø mèkv́mnøng, nøt gø mènàwv́ngshìnøng,” a:lòe.q