Gvray Dvbu Mongka

Ngàí namaq svng v̄la:tnìni, svmaréí gà:lò rì dvhø̀ taq, Tiløp Yohan mvdv̀m rīng we nø tiq gǿ gø mvbūng dv̄r. Wedø ínìgø muqlàng móngdàn taq cv́m vtv̄ng gǿ nø, ang mvdv̀mø té ringe. j 12 Tiløp Yohan būng lú:ngì ni kèní akvt høq, muqlàng móngdàn nø vzø̀m nv̀mpv̄n vtù we vhǿ:mò nø, vzø̀m nv̀mpv̄n wáshì vsa:ngí lè muqlàng móngdàn svng mvdø̀ng mvdaq tø̄llv́m dvkv́ngshìe. k 13 Kadø íe wani, kàdvtutshúri shvngbe nvng Dvrá lù:ngí nø, Yohan angni høq kadø í ra we dang kàdvtut yà:ngà. 14 Angmaqí shø̀:nò rì svng namaq vtō èkv̄mshinø̀ng nìnø, Eliya di daqe, wa shø̀n yà:ngà lòng nø Yohan yapè svng ni wa we íe. l 15 Tálv́m vnà vdá vsvng wegǿí nø laq táò, a:lòe.