Marì nø Elizabet yv́ng di we

Luka 1:39-45

Marì nø Elizabet yv́ng di we

39 Wemèpvng nilaí Mari búng nø, Yuda rvgaq shigùng móng tiq mvrìng svng cancan dìá:mì. 40 Zakaria chø̀m svng ang gòngá:mì nø, Elizabet svng pàmvrà a:lò nø dvhø̄mshìe.

41 Mari pàmvrà wa kà svng Elizabetní tá bǿà chàng, ang góng taq cv̀mré gǿ chóngshì lú:ngì nø, Elizabet gø Shànshér Pvlàcèí dv̀nzø̀ng taqsórí, r 42 shaqmèí shø̀n we nø, “Svmarérì í dv́ngte dvhø̀ taq nàí nø ìshøt ìgv̀n èlú:nòe.

Nà góng taq vl we cv̀mré cèí gø ìshøt ìgv̀n lú:nòe. s 43 Ngà Vkàngpè angmè ngà yv́ng svng tùng di høq nø, kadø í nø yadø nàpǿngvtnà ma? 44 Ku, nà pamvra èwā kà ngàí tángò chàng, ngà góng taq v̄l we cv̀mré nø dvbùnø:tní chóngshì lú:ngì.

45 Vkàngpèí ang svng shø̀n daqà kàrì shvngbe nø vhø̄m longe, wa nø kv́m we svmaré yamèí mv̀ng ìshøt ìgv̀n lú:nòe,” wae.