Yesuí timā nā:rò we

Yesuí timā nā:rò we

35 Weni dørø̀m høqa:tnà dvgvp, Yesuí coqcv́nrì svng, “Tìnúng kupa svng nøngmaq léshaì,” a:lòe. n 36 Wervt angmaq nø vsvng loksokrì kèní rv́lshì dá:ngí, Yesu rung we kùngshí gø̀m taq coqcv́nrì gø zv́ngshì nø, Ang nvng tiqdø léshìe. Dvgá kùngshí rì gø zv̀ne.

37 Wekvt nv̀mbø̀ng mvrùmè mut ráì nø, tìma pvlòng weí, kùngshí gø tìí zǿng mvnshì lú:ngì. 38 Yesu nø kùngshí ni yv́ng vgo mvkømshi nø yøpme. Wekvt angmaqí Ang svng dvsha:tnò nø, “Vkàngpèá, vmv́nglv́m dv́nshàì we svng Nàí mènøtnashà ma?” a:lòe.

39 Wervt Ang kungshì nø nv̀mbø̀ng svng nga:nò nø, tìnúng svng gø, “Shø̀mwa èzø̀lvm,” v̄l bǿà kvt wela:ngí shø̀má:mì nø, lung mvwàá:mì. 40 A:ngí angmaq svng, “Namaq pàwá wedv́ngte serenø̀nge? Namaq nø akvt høq kv́mnøt mèv̀lnø̀ng má?” a:lòe. 41 Iwe, angmaq vtvngshaq svreá:mì nø, “Nv̀mbø̀ng gø, tìnúng gø Ang kà ta we nø, yapè kagǿ í ma?” wa vrùnge.