Nà mvtá màá dvbā:nò we

Marko 7:31-37

Nà mvtá màá dvbā:nò we 31 Tiru rvgaq dvrøt yv́ng kèní Ang rá búng nø, Sidon rvgaq nvng Dekapoli rvgaq dvrøtrøt léshì ráì nø, Galili tìnúng sv̀ng tuq ráì. g 32 Wekvt vnàí mvtáò we màá tiq gǿ, angmaqí Ang yv́ng svng shøla:tnà nø, ang mvdv̀mø Ang wur lvhapshi dø røtshìe. h 33 Wekvt Yesuí ang svng vsvng loksokrì kèní tiqtōng svng shøl bǿà nø, ang vnà vdòng svng Ang wurhàmí mvnuqò nø, wurhàm svng tø̄:lí dvshaqshì da:ngí wepè pvlè svng vdénòe. i 34 Wekvtrá muqlàng kaq kāng ngángshi sórí Ang shaqmè vhéshi nø wepè svng, “Effata,” a:lòe. Yakà nø, “Nàtánvm,” wakà íe. j

35 Ang vnà nø wela:ngí chàng vpuqá:mì. Ang pvlè vkv́ngkéò lòng gø vpǿná:mì nø, shvngshvng wa kà shø̀n lú:ngì. 36 Kagǿ svng gø màdvtálv́m A:ngí angmaq svng dvká:mò we í nìgø, té dvká:mò té angmaqí dvsha:ngòe. k 37 Wekvt angmaq nø, dvdv̄m gø mvtǿmshì dv́ngte dádv̀ng wàá:mì nø, “Kapà gø A:ngí nø shvla we dvchǿng wàòe lé! nà mvtárì gø lvtáò dø A:ngí wàò nø, màárì gø kà lvshø̀n dø wàòe,” wae.