Vsvng 4,000 shvá:mò we

Vsvng 4,000 shvá:mò we

1 Wenila taq vsvng loksok vtv̄ng kèní kø̀m ráì nø, v́mlv́m pàgø màv́laò rvt, Ang coqcv́nrì goa:tnà dá:ngí, angmaq svng yadø a:lòe. a 2 “Vsvng loksok ya rì svng Ngàí mvréngòe. Angmaq nø akvt ngà nvng tiqdø vshø̀m ni v̀l daqshà nø, v́mlv́m pàgø màv́la bǿà. b 3 Angmaq màv́mshaq Ngàí la shvlongònø̀ng nø, tvrà ramø angmaq svrí bāngvme; kadø íe wani vrúm kèní dì ráì we gø tiqmaq v̄le,” a:lòe. 4 Ang coqcv́nrìí Ang svng vtà:ngò nø, “Yadø rvgaq mvgung tiqyv́ngø, vsvng yadv́ngte lavgà dø, zidòng nø kayv́ng kèní lvlú:nini,” a:lòe. 5 Wekvt A:ngí angmaq svng, “I ni, namaq yv́ng zidòng kadv́ng chv̀ng vl ma?” wa rø:tnòe. Angmaqí, “Shvngøt chv̀ng v̄le,” a:lòe. 6 Wekvt vsvng loksokrì nø vba tø̀mø rúnglv́m A:ngí dvká:mòe. Wekvt zidòng we shvngøt chv̀ng lá:ngò nø oqà wa dá:ngí, A:ngí vmø:tnò nø angmaq sv̀ng zílv́m Ang coqcv́nrì svng tvleò nø, angmaqí vsvng loksokrì kaq túnaòe. 7 Ngashi cvmaqcè gø angmaq v́laò we, A:ngí shvmá:nò dá:ngí werì gø angmaq svng túnalv́m dvká:mòe. 8 Wekvt angmaqí á:mò nø vgàá:mì. Vchéò rì nø angmaqí shvngøt jv̄ng rvku:lòe. c 9 Angmaq v́m bǿì rì nø vbì kíng dv́ngte íe. Wedá:ngí angmaq svng A:ngí shvlōòe. 10 Ang nø wela:ngí Ang coqcv́nrì nvng tiqdø kùngshí tiq gø̀m svng zv́ngshìá:mì nø, Dalmanuta rvgaq svng dìá:mì.