Butdvshi kàshvbóng

Butdvshi kàshvbóng

14 Lamboq rìí zidòng màlv́ng vná dárà nø, kùngshí vdòngø zidòng tiq chv̀ng wa v̄le. 15 A:ngí angmaq svng, “Farisirì butdvshi nvng Herod butdvshi svng pán vshat nàyáshìnøng,” a:lòe. f 16 Wekvt angmaq nø angmaq vrùng nø, “Nøngmaqí zidòng màlv́ng vná dv́rshà rvt wa pà íe,” wae. 17 Welòng svng Yesuí dǿm bǿà nø a:lò we nø, “Namaq zidòng mèv́lanøng rvt pàwá nàrùngnønge ma? Akvt høq namaqí mèdǿmnøng ma? Akvt gø mècíngnø̀ng ma? Namaq nøt shèngarshìnø̀nge ma? g 18 Namaq nø nē nàdánø̀ng nìgø mèyv̀ngnøng ma? Vnà nàdánø̀ng nìgø mètánøng ma? Ngàí wedv́ngte wv̀ng bǿngà rì mèmèsøngnøng ma? h 19 Ngàí zidòng pungwà chv̀ng wa vmøtnò nø vsvng pungwà kíng svng vwálangò ke vché rì namaqí kadv́ng jv̄ng rèkulvpsha ma?” a:lòe. Angmaqí Ang svng, “Tiqcé vní jv̄ng íe,” a:lòe. i 20 A:ngí rá, “Vsvng vbì kíng dvpvt shvngøt chv̀ng vmøtnangò ke, vché rì kadv́ng jv̄ng rèkulvpsha ma?” a:lòe. Angmaqí rá, “Shvngøt jv̄ng íe,” a:lòe. j 21 Wekvt A:ngí angmaq svng, “Ini akvt høq mècíngnøng ma?” a:lòe.