Cúnshì lòng nvng shi lòng rvcv̄ngshilv́m

Dvra Dvshat 30:15-20

Eyv̀ngnøng, dèni ngàí namaq mv́rdv̀ngø gø̀nshaq nvng vdá gàmshǿ vrūlshìlv́m lòng, shìlòng nvng dvshá paqhøt vhǿmlv́m lòng dvbǿmòe. i16 Namaq nø Gvray Yehowa svng shóngshìlv́m, Ang tvrà tvnùnglv́m; vrá, dvkv́mkàrì, shvdøngshaq dvrárì nvng dvrá kàciqrì svng cv́n dvdø̄nglv́m, dèni ngàí namaq svng dvká:mìe. Wedø èwáshìnø̀ng kvt kèní nø, namaq angkàng wáshìlv́m ègòngv́mnø̀ng móng taq namaqí cúnshì èlúnnøng nø, namaq Gvray Yehowaí ìshøt ìgv̀n èrv̄lānøng nø vzíng dèzv́r daqnø̀nge.

17 Wedø ínìgø namaq nøt nàpōnø̀ng nø, Ang kà svng mètánø̀ng weí, dvgá dvmø̀ mvshá ìnvt rì svng dèzø̄mnøng nø ènoq bǿnøng kvtnø;18 kadø ínìgø nàmv́ngv́mnø̀nge, wv̄ng dèni ngàí dvtáìe. Yordan tìwàng èléshìnøng nø namaq angkàng wáshìlv́m ègòngv́mnø̀ng móng taq namaqí gǿngzø̀l gǿngyàng v́l mèlún lóngnø̀ng. j19 Ngàí gø̀nshaq nvng shìlòng, shvmánkà nvng mvtv́nkà namaq mv́rdv̀ng taq dvbǿm bǿngà, wv̄ng muqlàng gø rvgaq gø shvkse wáshìlv́m dèni ngàí gōngòe. Wervt namaq nvng nvcǿ nvcè rìí cúnshì lúnlv́m dvpvt, namaq nø gø̀nshaq lòng svng rècv̄ngshìnøng.

20 Namaq Gvray Yehowa svng èshóngshinø̀ng nø, Ang kà svng ètánøng sórí Ang svng wa kvp mènvtshìnøng. Pàwálv́m wani Yehowa nø namaq gø̀nshaq èíanø̀nge; Ang nø namaq angni svng shvyv̄ngāshú pè íe. Wekvt nø namaq Gvray Yehowaí nvkop nvkàng Abraham, Isak nvng Yaku maq svng dvgv́mshi nø dv́nā yà:ngà móng taq, vbat yvng dø v́l èlún lóngnønge,” a:lòe.