Coqcv́n tiqmaq rv́lshìá:mì we

Coqcv́n tiqmaq rv́lshìá:mì we

60 Yakà tá bǿà kvt, Ang coqcv́nrì mvme tiqmaq nø, “Kà yalòng nø vtvngshaq cíng rvzaqe; kagǿí vto jòre ma?” wae. 61 Ang coqcv́nrì nø kà yalòng dang vbø̄nshì we Yesuí dǿ:mò rvtnø angmaq svng, “Ngà kà yalù:ngí namaq svng nøt vtøp dèzv́rnøng ma? 62 Vsvng Angcè pè nø vzv̀ng Ang v́lrà yv́ng svng rvlv̀ngvm we svng èyv̀ng lóngnøng kvt nà? Kadø èí lóngnøng ma? d 63 Gø̀nshaq zíshú nø Gvray Pvlàcè íe, shagú:ngí nø zí mvlú:nò. Ngàí namaq svng shø̀nvpmà kàrì nø, Pvlàcè nvng gø̀nshaq íe. e 64 Iwe namaq mèkv́mnøng we tiqmaq èv̀lnønge,” a:lòe. Kadø íe wani mvkv́m rì nø kagǿ gǿ í we nvng Ang svng nvmv́mlv́m pè nø kagǿ í we svng nø Yesuí nv̀mlat kèní sháòe. f 65 A:ngí rá, “Yalòng rvtnø Ngàí namaq svng, ‘Vpèí ang svng dí dvzá:rò we mø̀í nìnø, Ngà yv́ng svng dí lú:nò we nø tiq gǿ gø màvl,’ lvv̄lvpshà,” a:lòe. g 66 Weyv́ng kèní Ang coqcv́n mvme gǿ rv́lshìá:mì nø Ang mèpvng rá mvzv̀ná:mì. 67 Wervtnø̀ Yesuí we tiqcé vní pè svng, “Namaq gø èlonø̀ngni ma?” a:lòe. 68 Simon Piterí Ang svng vtá:nò nø, “Vkàngpèá, nøngmaq nø kagǿ yv́ng svng lvlōìni? Dvciq lvpat gø̀nshaq kàrì nø Nà yv́ng wa v̄le. h 69 Nà nø Gvray Ang Shanshér pè èí we svng nøngmaq kv́m gø kv́m bǿshà nø shá gø shá bǿshà,” a:lòe.