Angmaq nø dìnglòng dvpvt shànshér dø shvgaq we lúnlv́m rvt, Ngà gø Nà dvpvt shànshér dø shvgakshønge.

Akvt kèní Ngà nø rvgaq tø̀mø màv̄lvm. Yarì nø rvgaq tø̀mø vl ra nø, Ngà nø Nà yv́ng svng long longe. Shanshér we Vpèá, Ngàní pè nø tiq lòng íshà dø angmaq gø tiq lòng wa ílv́m rvt, Nàí Ngà svng vzíshaq, Nà jórnònggùn bø̀ng taqkèní angmaq kaq èroqò. j 12 Ngà nø Nàí Ngà svng èzǿngà rì nvng tiqdø a:lì dvgvp Nàí Ngà svng èzǿnga we Nà bø̀ng taqkèní angmaq svng rok bǿngà. Shànshér Kàru kà dvhø̄mlv́m dvpvt, vmv́nglv́m cèpè ang wa mø̀í nìnø angmaq tiq gǿ gø màmv̄ng dø Ngaí gar bǿngà. k 13 Akvt Ngà nø Nà yv́ng svng long longe. Rvgaq tø̀mø shini vl dvgvp yadv́ng pv̀n Ngàí shø̀n bǿngà we nø Ngà dvbòng nøt angmaq vdòng taq dv̀nzø̀nglv́m dvpvt íe. l 14 Nà Mòngkà nø Ngàí angmaq svng zǿng bǿngà. Ngà nø rvgaqò mvǿngà dø tiqdvchá angmaq gø rvgaqò mø̀í rvt, rvgaq nø angmaq svng shvngōshìe. m 15 Nàí angmaq svng rvgaq tø̀m kèní lùlv́m dvpvt Ngà mvrøt. Mvgv̄m pè wepè wur taqkèní angmaq svng garlv́m dvpvt mv̀ng røtne. n 16 Ngà nø rvgaqò mø̀ǿngà dø tiqdvchá, angmaq gø rvgaqò mø̀í. 17 Nà dìnglòng kà taqkèní angmaq svng dèshè:rò. Kadø íe wani, Nà Mòngkà nø dìnglòng íe. o 18 Nàí Ngà rvgaq tø̀m svng dèzv́r dakngà døni, Ngàí gø angmaq kaq rvgaq tø̀m svng dvzv́r bǿngà. p 19 Angmaq nø dìnglòng dvpvt shànshér dø shvgaq we lúnlv́m rvt, Ngà gø Nà dvpvt shànshér dø shvgakshønge.