Vléò rì svng kadø wá rà we

Vléò rì svng kadø wá rà we

15 Nà nvnvm nvchā:ngì nà svng nàlévt nìnø, nà èdivm nø, nàní wawa èv̀lshi yv́ng a:ngí vléò lòng dètúò. Nà kà svng ang tā nìnø, nvnvm gǿ svng nàí lin èlún bǿà we íe. h 16 Iwe ang lā mvtá kvt kèní nø, shvkse vní vshø̀m gǿ kà taqkèní, kapv̀n svng gø dvtøp laq lú:nò, wa dø, dvgá tiq ní gǿ èshøl bǿò. i 17 Angmaq kà gø mvtā kvt kèní nø, shvngø̀mré svng dètáò. Shvngø̀mré kà gø mvtā kvt kèní nø, ang svng nø wv́ngzà nvng kùyà gún vsvng dø dvdut dv̀ng íe. j 18 Ngàí namaq svng v̄la:tnìni, rvgaq tø̀m taq namaqí èdòngnøng we kapà ínìgø, muqlàng taqlapmø gø vdóngshaq ív̄me. Rvgaq tø̀m taq namaqí shèlàngnøng we kapà ínìgø, muqlàng taqlapmø gø wedøni shvlángshaq ív̄me. k 19 Ngàí namaq svng vrá v̄la:tnìni, rvgaq tø̀m vsvng vní gǿ nø nøt vrá sórí kapà tiq pv̀n røtshì nìnø, muqlàng taqlapmø v̄l pè Ngà Vpèí angní dvpvt wáā daqòe. l 20 Kadø íe wani Ngà bø̀ng taqkèní vní shø̀m gǿ dvkǿmshi we kayv́ngø í nìgø, weyv́ng angmaq dvhø̀ taq Ngà gø vbánge,” a:lòe.