Cipshìlv́m shvngøt we

Cipshìlv́m shvngøt we

1 Wervtø̀ taq coqcv́nrì nø Yesu yv́ng svng di ráì nø, “Muqlàng móngdàn vdòng taq té rīng we nø kagǿ íe ma?” wa rø:tnòe. 

2 Yesuí cv̀mrécè tiq gǿ goa:tnà nø angmaq dvhø̀ø shvri:pmò sórí,

3 a:lò we nø, “Ngàí namaq svng v̄la:tnìni, namaq nàwv́ngshì ránøng nø, cv̀mrécè døni mèí lóngnøng kvt kèní nø, muqlàng móngdàn svng nø kadø ínìgø góng mèlúnnøng. b

4 Kagǿ ínìgø cv̀mré yagǿ dø ang vdè cipshì gǿ nø muqlàng móngdàn taq té ring gǿ íe.

5 Kagǿ ínìgø Ngà bø̀ng taqkèní cv̀mré yagǿ dø í we tiq gǿ svng vtōò gǿí nø Ngà svng nàtōng we íe. 

Wervtnø̀ cv̀mré yarì taqkèní tiq gǿ svng gø yv́ng mvtv̀má:mò dø mvwàlv́m rvt nàyáshìnøng. Namaq svng Ngàí v̄la:tnìni, muqlàng taqlapmø v̄l we angmaqò dvzv́r rìí nø, muqlàng taqlapmø vl we Ngà Vpè mv̀rshv̀m svng nv̀nnv̀n yv́ng lú:nòe.