Svmarérìí Yesu dvzø:mò we

Svmarérìí Yesu dvzø:mò we

1 Wemèpvng kadv́ngte màlé dvgvp, Yesu nø coqcv́n tiqcé vní pè nvng Gvray móngdàn Dvbùshv̀ngkà dvsha:ngò taqsórí, wamà rìngzì vrv̀m svng tvríshìá:mì. a 2 Vzv̀ng Yesuí cáng mvgv́m nvng záyv̀ng tiq pv̀npv̀n dvbāna yà:ngà we svmaré tiq mvdò gø zv̀ná:mì. Vrá cáng shvngøt lòng lúngaa:pmà mè, Makdala mè Mari nvng b 3 Herod chø̀m øp pè Kuza chø̀mmè Yoanan nvng Susana nvng dvgá mvme mèí gø cà:nò sórí, ang maq vdè gv̀msùng lá:ngò nø Yesu nvng coqcv́nrì svng dvzø̄:mòe. Vmyø̀ wø̄n kàshvbóng 4 Tiq mvrìng nø tiq mvrìng kèní vsvng loksokrì nø Ang yv́ng svng dvkǿmshì ráì kvt, A:ngí kàshvbóng kèní shvngø:tnòe. c 5 “Vmyø̀ wø̄n vsvng nø v̄myø̀ wø̄n nvng búngá:mì. A:ngí wø̄:nò dvgvp, tiqmaq nø tvrà shvmōr taq vjáá:mì nø, Vsàngí gø lv̄m bǿà, muqlàng carìí gø tǿvm bǿà. 6 Tiqmaq nø, longheq mvdv̀m vjáá:mì we, tì mvlú:nò rvtnø, yó lú:ngì chàng shúngá:mì.Tiqmaq nø bv̀nghǿ póng taq vjáá:mì nø, v̄m nø bv̀nghǿ rì nvng tiqdø té lú:ngì we, bv̀nghǿ rìí lúmke bǿà. 8 Tiqmaq nø vbā shvlá taq vjáá:mì nø, té lú:ngì weí angshí gø tiqyá dvtv̀ng shí lú:ngì,” a:lòe. Yadv́ng pv̀n shǿn dá:ngí sir wa vkiq nø, “Vnà vdá gǿí nø laq táò,” a:lòe.