Galili rvgaq Yesu tvríshì we

Mati 9:35-10:1,5,6-8

Galili rvgaq Yesu tvríshì we

Yesu nø wamàrì nvng rvwá rì shvngbe taq tvríshì nø, angmaq júrøt chø̀mrì taq shvngø:tnò taqsórí, muqlàng móngdàn Dvbùshv̀ngkà dvsha:ngò nø, záyv̀ng angpv̀npv̀n dvbā:nòe. 36 Vsvng loksokrì nø roqshú màdá we vyv̀ngrì dø vshin nø, dvbangshú màdá dvshá dvré vhǿ:mò we svng A:ngí yv̀ng bǿà rvtnø angmaq svng mvré lú:ngà. s37 Wekvt A:ngí Ang coqcv́nrì svng, “Dvkømlv́m mvzí nø gvzà luq we, dvkøm vsvng mv̀ng mvluq. t38 We rvtnø mvzí dvkø̄m Angkàng pè svng dvkømshú dvzv́ralv́m èrøtnø̀ng,” a:lòe.

Tiqcé vní pè dvzá:rò we

1 Yesuí Ang coqcv́n tiqcé vní pè gōa:tnà dá:ngí, mvmv́ng cáng kaq lúng dv́nglv́m nvng záyv̀ng pv̀n vrv̀m dvbān dv́nglv́m vmíng vkv́ng angmaq svng zíòe. 5 Ya tiqcé vní pè svng dvzá:rò sórí, Yesuí angmaq svng yadø dvká:mòe. “Wv́ngzàrì dangdang gø mèdinø̀ngni; Samari mvrìng rì svng gø mègòngnø̀ngni;6 Israel rvp kèní vmàn yà:ngì we vyv̀ngrì yv́ng svng wa èdìnøng. c 7 Wedø èdìnøng sórí, ‘Muqlàng móngdàn níshì ráì,’ wa dèshv̄ng bǿnøng. d 8 Zarì dèbānnø̀ng; shìrì svng dèzūnnøng; mv̄nggvng í rì dèshèrnøng; cángrì èlùngnøng. Dvpǿ màdá èlún bǿshà rvt dvpǿ màdá èzínøng, wànø Vkangpè Yesuí àng coqcvnrì kaq svng Gvray jór kungā zíò nø dvkvmò weí talen tvlé ya:ngà. 

Yadang svng dvdam nø, nøngmaqò Mongkà shølshú, shvrúngshú,Svra svramaqrì kaq svng vpø nø shvring laq lúnì. Vrá nø shvngømré taqkèní shvngøt dvtú we dvkvmkà rì svng gø cvndvgøm nø Gvray ìshøt vtoshì laq lúnì.