Hí wūr shì vsvng dvbā:nò we

Hí wūr shì vsvng dvbā:nò we
17 We mèpvng tiq ni taq Yesuí mvshǿl shvngø:tnò dvgvp, Galili rvgaq kèní gø Yuda rvgaq rvwá vrv̀m nvng Yerusalem wamà kèní di ráì we Farisirì nvng dvrá svrarì nø weyv́ng rūnge. Záyv̀ng dvbānlv́m Gvray jórnònggùn nø Yesu yv́ng zv̀ne. h 18 Wekvt hí wūr vzø̀m shì vsvng tiq gǿ Vsàngí chà taq baqa:tnà nø, wepè svng Yesu mv́rdv̀ngø dvbǿm mvyǿe. 19 Iwe vsvng loksokrì rvt ang svng dvgònglv́m tvrà kadø gø lá mvlún lú:ngà kvt, angmaq nø chø̀m rvgùng svng rvlv̀ngá:mì nø, svkōng zøprì vrà:lò dá:ngí, zā pè nø ang pvlū nvng shvngbe dvhø̀ø̄ Yesu mv́rdv̀ng svng chùng daqà. 20 Angmaq kv́mnøt svng Yesuí yv̀ng bǿà kvt A:ngí, “Rv̀mnvng pèá,* nà mvrà chutnāng bǿngà,” a:lòe. 21 Wekvt dvrá svra mvdò nvng Farisirìí dvdv̄m lú:ngà nø, “Gvray kaq shvyǿm kà shø̀n we yapè nø kagǿ íe ma? Gvray Ang tiq pè wa mø̀í nìnø, mvrà nø kagǿí chut ngu:tnòe ma?” wae. i 22 Angmaqí wedø dvdā:mò we svng Yesuí dǿm bǿà nø vtà:ngò we nø, “Namaq nøt vdòngø pàwá wedø dèdv̄mnø̀ng ma? 23 ‘Nà mvrà chutnāng bǿngà,’ èā:lò kà; mø̀íni, ‘Ekungshì nø èdivm,’ èā:lò kà; yakàní kakà té shǿn yùl ma? 24 Iwe Vsvng Angcè Pè nø rvgaqtø̀mø mvrà chutnālv́m vmíng vkv́ng v̄l we namaqí shálv́m dvpvt yadø wàlv́m íe,” wa nø hí wūr shì pè svng A:ngí, “Nà svng Ngàí v̄lvtnøng, èkungshì, nà pvlu èlv̄ngshi nø nà chø̀m svng èlo,” a:lòe. 25 Wepè nø wela:ngí ni angmaq mv́rdv̀ng kèní søt kungshì nø, pvlū lòng gø baqshi nø, Gvray dvgùng shvri:ngò sórí ang chø̀m svng loá:mì. 26 Wervt angmaq shvngbe gvzà dàá:mì nø, Gvray dvgùng shvri:ngòe. Vrá angmaq nø vpǿ svrēnøt zø̀ngá:mì nø, “Dèni nø nøngmaqí vtiq rà bv̀nlì yv̀ng bǿshàé,” wae.