Tiløp Yohan būng lú:ngì we

Tiløp Yohan būng lú:ngì we

1 Tiberiu Kesar dàni pè wáshì we tiqcé pùngwà nǿng taq, Yuda rvgaqø gàmzø̀ nø Pontus Pilat wáshì nø, Galili rvgaqø vbì wál tiq wál dù nø Herod wáshìe. Angnv̄m pè Pilip nø Iturea nvng Trakonitis rvgaq vbì wál tiq wál dù wáshìe. Vrá Abilin rvgaqø vbì wál tiq wál dù nø Lisania wáshì dvgvp; 2 Annas nvng Kayafas nø shvrúngshú vgo wáshì yà:ngì. Wenila taq Gvray mòngkà nø rvgaq mvgūngø v̄l we Zakaria Angcè pè Yohan svng tuq daqì. 3 Yohan nø mvrà chutnā lúnlv́m dvpvt, nøt língshì nø tìløp løpshi rà we mvshǿl dvsha:ngò sórí, Yordan tìwàng rvgaq gùrhømhøm vwúshìe. a 4 Yalòng nø kàdvtutshú Esaya kàru taq, “Rvgaq mvgūng yv́ng vsvng tiq gǿ vkiq we kà nø, ‘Vkàngpè tvrà dègǿanøng, Ang tvrà mèdóngānøng. b 5 Vkung kvroq vrv̀m dvzǿ:ngò nø; mvrùl zø̀ngkv̀ng í dv́ngte gø lip bǿòe. Mvkwiq mvkwvng rì svng mvdú:ngò nø; Bvnì bvlut tvrà rì gø dvjø̄l bǿòe; 6 Svngpv̀n shvngbeí nø, Gvray chutchv́ng we jejú svng yv́ng lún lú:ngòe,’” wa vrū yà:ngà dø tiqdvchá bø̀ná:mì we íe.