Dvgá kàshvbóng

Marko 4:26_34
A:ngí rá, “Gvray móngdàn nø, vsvng tiq gǿí rvmá hv́ng taq vmyø̀ wø̄:nò we nvng vbónge.27 Wø:nò dá:ngí ang nø yaqdø̀:ngí nø yøp nø vyá:ngí nø kungshì nø vl ke, vmyø̀ nø kadøwa mvkuq nø té lú:ngì we a:ngí mvsháo. j28 Vmyø̀ nø èwøn bǿò mèpvng nø vba kèní angwāwā yō long nø, nv̀mlat nø mvdùn cvp, mèpvng nø shírùng, wemèpvng nø rvkøpshì we angshí v̄l longe.29 Mvzí dvyø̀ gong ra kvt nø shvrvt dvkøm rvtø̀ høq bǿà rvt, a:ngí shv̀mdvgoq lá:ngò nø shvra:tnòe.” k

Mvngāka shí kàshvbóng

30 A:ngí rá, “Gvray móngdàn nø, nøngmaqí kapà nvng shvbónglv́m í ma? Kapà kàshvbóng nvng shvbóng shvla ma? l31 Gvray móngdàn nø mvngakā shí tiq chv̀ng dø vshv́me. Mvngakā shí nø, dvyø̀ angshí shvngbe taqkèní té zì pv̀n íe.32 Welòng wø̄n bǿò mèpvng yo long kvt nø vyúng kvn shvngbe mvdv̀mø te long nø, dvgv̀ng mè dvkaq long weí, we lv̀ngpvngø nø vháng ram carì angdv̀ng wāshì nø dvkøqshi lú:nò høq tē longe,” a:lòe. m33 Angmaqí cíngràllv́m dvpvt A:ngí yalòng dø í we kàshvbóng mvme taqkèní angmaq svng mòngkà shvngø:tnòe.34 Kàshvbóng kèní wa mø̀í nìnø A:ngí angmaq svng pàgø mvshø̀:nò. Iwe Ang nvng Ang coqcv́nrì angmaq