Vsvng 5,000 shvá:mò we

Vpø
íwe pèmè vnvmchvngmaq Dèni pvlàcè nonggùn lùshì lvm Gvray mongkà nø, Mark 6;30-44 vdòng taqkèní íe.Kūngà shaq, shaqcvmì we Bashàrì kaq svng mvré zā nø nønt shvløm weí Gvray mongzøl lòng nvng shagóng pvlàcè ìshøt jèjúrì zìe.

Tiqni rvtø taq; 30 Dvzv́rrì nø Yesu yv́ng kø̀m ráì nø, angmaqí wàa:pmà rì yvngà:pma rì shvngbe nvng shvngøtna:pmà rì shvngbe Ang svng dvtáòe.  k 31 Angmaqí v́mpà v́m gø mvlú:nò høq vsvngrì vtíshi we gvzà luq rvtnø, Yesuí coqcv́nrì svng, “Shø̀m wacè mòngzø̀l we tiq yv́ng dìì nø nārshìá:mì,” a:lòe.32 Wervt angmaq nø kùngshí zúnshì nø kupa shø̀m wa zø̀l we tiq yv́ng svng dìá:mì.l33 Inìgø, angmaq búng we svng yà:ngò nø, angmaq svng sháò vsvng rìí nø, mvrìng rvgaq kèní gø vdàmdàm weyv́ng svng kvlv̀ng nø, angmaq vzv̀ng dvtuqshìá:mì.34 Yesu nø shø̀ kèní léshì daqì ke, vsvng loksok svng yv̀ng bǿà nìnø, angmaq nø roqshú màdá we vyv̀ng ré dø í rvt, A:ngí angmaq svng mvré lú:ngà nø angmaq svng mvshǿl mvme pv̀n shvngøt pà:ngòe. wàe.

Vpøí we vnvmchvngmaq vsvng loksok nø roqshú, shølshú màdá we vyv̀ng ré dø  vman we svng Vkangpè Yesuí yv'ng bøā. Wekvt Vkangpè Yesuí àngmaq svng gvzà mvré lú:ngà we svng yv'nglún shìe. Wervt Àng nvng àngmaq coqcvnrì gvzà mvjor we ínø gø àngmaq mvjor lòng svng cà lángò nø pvlàcè kvmnønt tvrà taq kūngà shaq shaqcvm we, dvshá dvré zā we, nønt mvsøn shagóng pvlàcè taqø svrí bā:ng we vsvngrì chutchvng lúnlvm dvpvt vkvt dø cúnshì we Gvray gvsang dvrá mongkà rì  taqkèní shvngøt dvtúòe. Nønt shvlømò weí  Gvray mongzøl lòng nvng ìshøt shvmvnàò we svng yv'nglún shìe. 

Vpøí we vnvmchvngmaq Gvray gvsang yv'ngkèní dvshá zā we mongzøl lòng nvng ìshøt vtōshì lúnlvm dvpvt  nvmlat 
(1) Vlømshì we kvmnønt vlvm dvkvme.(2) Nønt mvsøn shagóng mvngshér lvm dvkvme. Nønt mvsøn mvngshér kvtwā røt kà svng Gvrayí zø'ā nø vtoā lvm, shvmvnà lvm vlē walong svng yv'nglún shìe.(3) Kvmnønt  tvrà taq mvngshér we vjvng laqyarì taqkèní Gvray kaq rvtø zí nø tvleshì lúnlvm gvzà vchvk ngè walòng svng gø yv'nglún shìe.(4) Mongkà shølshú Svra svramaqrì taqkèní gø àngdeò bvnlì, rvtø svng nvmlat tiq taq gvlshi we mø-í dø, kūngà shaq shaqcvm we, zā we, nønt yòr vhømò we vyvng ré rìò lvpat svng nvmlat tiq taq gvl nø vjúrøt dvbvng weí nònggùn zí nø Gvray dvgung shvring lúnlvm dvkvme walòng svng yv'nglún shìe.

Shvngbeí Gvray mongzøl lòng vtōshì laq lúnì.pmr