Zùpvng mvdìlv́m vgám dvtú we

Marko 9;41-50

Ngàí jø̀ngjǿng v̄la:tnìni, namaq nø Kristuò èínøng rvt namaq svng tì tiq gwìn shèaqvtnø̀ng gǿ nø kadø ínìgø ang zìbè màmv́ngaò,” a:lòe.v
Zùpvng mvdìlv́m vgám dvtú we

Vrá A:ngí, “Ngà svng kv́m we cv̀mrécè yarì taqkèní tiq gǿ svng nøt vtøp dvzá:rò gǿ svng nø ang lóngjvng taq loklvngmè tiq chv̀ng dvchungdv̀ng tìnúng vdòng svng gur bǿò lòng nø ang dvpvt té shvlae.
43 Nà wur tiq tá:ngí nà svng vléshi dèzv́rvt nìnø ètu:tnò. Gø̀nshaq cúnshi lv́m yv́ng svng wur vdòng ègòng lòng nø màmø̀l màmaq we zùpvng svmi móng svng nà wur vní táng kø̀m dø dí nàdu lòng mvdv̀m té shvlae. w44 (Wemóng nø bvløng gø mvshì, svmi gø màmaq móng íe.)45 Nà hí tiq tá:ngí nà svng vléshi dèzv́rvt nìgø ètu:tnò. Gø̀nshaq cúnshìlv́m yv́ng svng hí vdòng ègòng lòng nø, zùpvng svmi móng svng nà hí vní táng kø̀m dø ègur bø lòng mvdv̀m té shvlae.46 (We móng nø bvløng gø mvshì, svmi gø màmaq móng íe.)

Nà vne tiq pàí nà svng vléshi dèzv́rvt nìnø èkù:nò nø ègu:rò. Nà nē tiq pa wa Gvray móngdàn svng ègòng lòng nø nē vní chv̀ng kø̀m dø, zùpvng svmi móng svng èdi lòng mvdv̀m té shvlae. x48 (Wemóng nø bvløng gø mvshì nø, svmi gø màmaq móng íe.) y49 Kadø íe wani kagǿ svng gø shvlaqí rø̄ò dø svmií rø̄ò we vhǿm ràe. z50 Shvlaq nø shvla we íe. Iwe shvlaq ang kíshaq la bv̀lvm nìnø kadø wa rá lvkí long dø wàlv́m í ma? Namaq vdòng taq shvlaq v́l dv̀ng wa nø tiq gǿ nø tiq gǿ nàrv́m nàránøng,” a:lòe.a