Cv̀mré rì shvmánāò we

Cv̀mré rì shvmánāò we

 Cv̀mré cèrì svng Yesuí laq shupma:tnò wa nø angmaqí Ang yv́ng svng shøla:tnà we, coqcv́nrìí nga:nò nø vgámòe. 

 Iwe Yesuí yv̀ng bǿà kvt, shv̀mná rí sórí angmaq svng, “Cv̀mré rì Ngà yv́ng laq di ra, angmaq svng mènàgám nøngni. Kadø íe wani Gvray móngdàn nø yadø í rì dvpvt íaòe.

 Ngàí namaq svng v̄la:tnìni, kagǿ í nìgø cv̀mré cèí vtoò døni Gvray móngdàn svng mènàtonøng nìnø weyv́ng góng mvlúnshì,” a:lòe. 

 Wedá:ngí Yesuí cv̀mré rì nø Ang wu:rí mvguqò nø angmaq mvdv̀m wur hapshì sórí angmaq svng shvmánaòe.