Yesu nø rvgaq gálòng í we

Yesu nø rvgaq gálòng í we

  Yesuí rá bashà rì svng yadø a:lòe, “Ngà nø rvgaq gálòng ǿngàe. Ngà mèpvng cv̀n vsvng nø gø̀nshaq gálòng vdá rvtnø dø vdòngø mvdi,” a:lòe. Wervtnø̀ Farisirìí Ang svng, “Nà nø Nà dvpvt shvkse èwáshì rvtnø, nà shvksekà nø mvdìng,” a:lòe.Yesuí angmaq svng vtà:ngò nø, “Ngà nø Ngà dvpvt shvkse wv́ngshø̀ngnøng gø, Ngà shvksekà nø dìnge. Pàwá wani Ngà kayv́ng kèní dø̀ng dakngà we nvng kayv́ng svng dø̄ngvm we Ngà shángshø̀nge. Iwe namaqí nø, Ngà kayv́ng kèní dø̀ng dakngà we nvng kayv́ng svng dø̄ngvm we mèshánøng. 

Namaqí nø sv́ngzàcè vtóng dvrá ku kà èrvtnønge. Ngàí nø kagǿ svng gø kà mvrvtnò. Ngàí la kà rvt lóngònøng nø, Ngàí kà rvtno lòng nø dìnge. Kadø íe wani Ngà nø Ngà tiq gǿ wa mvǿngà; Ngà svng dèzv́r dakngà pè Vpè nø Ngà nvng v̄le.  Namaq dvrá taq gø, vsvng vní gǿ shvkse wáshì lòng nø shvdøng lúnshìe, wa nø vrūshaq íe.  gà nø vdè dvpvt shvkse wv́ngshø̀ng we ínìgø Ngà svng dèzv́r dakngà pè Vpè gø Ngà dvpvt ni shvkse wáshìe,” a:lòe. Wekvt angmaqí Ang svng, “Nvpè nø kayv́ng v̄le ma?” a:lòe. Yesuí vtà:ngò nø, “Ngà svng gø, Ngà Vpè svng gø, namaqí mèshásha. Namaqí Ngà svng èsháshà nìnø, Ngà Vpè svng gø èshánøng ni we íe,” a:lòe. Kà yarì nø Noqngø̀m Tø̀ngnø taq A:ngí shvngø:tnò dvgvp, gv̀msùng shøpdik dvbǿ:mò zàngø shø̀:nò kàrì íe. Iwe Ang rvtø̀ shini màhø̄mra rvtnø Ang svng tiq gǿí gø mvtā:pmò.