.Yesu zūn lú:ngì we

Luka 24;1-12. Yesu zūn lú:ngì we

Narni mèpvng nv̀mlat ni sháng mvgágá svmarérì nø angmaqí dvgø̀a:pmà we ngórcìrì lá:ngò nø lóngdùng dvgv̀m svng dì ráì. a2 Wekvt dvgv̀m shø̄ lóngkø̀m gø̀m nø kukaq tàrīshaq í we svng angmaqí yv̀ng bǿà.3 Iwe angmaq we vdòng svng gòngá:mì nìnø, Vkàngpè Yesu vnàng mvyà:ngò.

Angmaq nø welòng rvt dvdáshi dvgvp ku, shōrshōr wa kvlàng we belaq gwashi we vsvng vní gǿ angmaq shvnvngø zvng rip daqì.5 Angmaq shérvkaq á:mì nø vbā tø̀m svng kǿng kupshì ke, wegǿ níí angmaq svng, “Cúnshì pè svng shìrì dvhø̀ø̄ pawá èlánø̀nge?6 Ang nø yayv́ng màvl, zuná:mì. Ang nø Galili rvgaq shini vl dvgvp èv̄lvpsha kàrì svng dvdv̄m èrǿnnøng.

‘Vsvng Angcè Pè svng nø mvrà v̄l vsvngrì wūr taq shvtlv́m tvlē bǿò dá:ngí, wurgang taq vtaq bǿò mèpvng, vshø̀m nií vrá zūn lōnge,’ wa nø A:ngí dètá vpshà,” a:lòe. b8 Wekvt angmaqí nø Yesuí v̄la:pmà kàrì svng dvdv̄m rǿna:tnà nø,9 dvgv̀m yv́ng kèní vtv́ngá:mì nø, tiqcé tiq pè nvng dvgárì shvngbe svng gø yarì shvngbe dvtáòe.10 Kà yarì dvzv́rrì svng dvtáò rì nø, Makdala Mari nvng Yoanna nvng Yaku angmè Mari gø, vrá angmaq nvng tiqdø v̄l we dvgá mèlā gø íe. c

Iwe dvzv́r rìí nø, kà yarì nø vwāwā dø vjōshì we íe lá:nò nø mvkv́m.12 Inìgø Piter nø tv̀mbúng nø lóngdùng dvgv̀m svng vjèrá:mì. Ang ngǿmshi nø vdòng rv́m svng dvjaqò nìnø, dupma:pmà we vzi laqtūn rì wa vyálshì we a:ngí yà:ngòe. Wervt ang nø chø̀m svng lò nø wedø íá:mì rì svng dvdáshìe.