Heleni rìí Yesu svng láò we

Wervt Yesu vkiq nø yadø wae, “Ngà kaq kv́m gǿ nø, Ngà kaq wa kv́m we mø̀í, Ngà svng dèzv́r dakngà pè svng kv́m we íe. e

45 Ngà svng èyv̀ng gǿí gø Ngà svng dèzv́r dakngà pè svng yà:ngò we íe. f 46 Ngà kaq kv́m we kagǿ ínìgø dø vdòngø v́ldv̀ng mvwàlv́m dvpvt, Ngà nø rvgaq tø̀m svng gálòng wv́ngshø̀ng nø dø̀ng dakngà. g

47 Ngà kàrì táò dá:ngí cv́n mvdø̀ng we kagǿ svng gø Ngàí kà mvngéngò. Kadø íe wani Ngà nø rvgaq svng kàngélv́m dø̀ng dakngà we mø̀í. Rvgaq svng chv́nglv́m dvpvt mv̀ng dø̀ng dakngà. h

48 Ngà svng èngál nø Ngà kàrì svng vto mvwáshì rì svng kàngéshú tiq gǿ v̄le. Ngàí shø̀nò kà welù:ngíni, tìsi lv̀ngdø̀m ni taq ang svng kàngé daqòe. i 49 Kadø íe wani Ngà nø Ngà nø:tní shø̀n we mø̀í; Ngà svng dèzv́r dakngà pè Vpèí Ngàí kapà shvngøtlv́m nvng kapà shø̀nlv́m gø, Ngà svng dvkv́mshaq ǿngàe.

50 Ang dvkv́mkà nø dvciq lvpat gø̀nshaq í we Ngàí shángòe. Wervtnø̀ Vpèí Ngà svng dèkv́m dø tiqdvchá wa shø̀nò we íe.”